VOV4.Sêdang - Drêng ai pơreăng COVID 19 xông tâ tú ó a kong pơlê Dak Lak, hâi lơ 9/5, Khu ai mâ đi đo dêi Vi ƀan Măt trâ̆n tơnêi têa Việt Nam kong pơlê Dak Lak nếo ai tơbleăng ‘na tơkŭm po tiô troăng mơ’no tơdrêng tung um tơvi mâu hneăng hôp trâm mâ kuăn pơlê mơhnhôk tâ phĭu dêi ngế tơbriât to pro kăn teăng mâ Kuô̆k hô̆i hneăng má XV kong pơlê Dak Lak.

Dak Lak trâm mâ kuăn pơlê

Tung péa hâi, lơ 10 ƀă lơ 11/5/2021, Vi ƀan Măt trâ̆n tơnêi têa Việt Nam kong pơlê Dak Lak kô tơkŭm po mâu hneăng trâm mâ kuăn pơlê ƀă troăng mơ’no tơdrêng tung um tơvi vâ 15 ngế tơbriât to pro kăn teăng mâ Kuô̆k hô̆i hneăng má XV kong pơlê Dak Lak trâm mâ kuăn pơlê a 3 tíu tâ phĭu.

Tơdroăng tơkŭm po mơ’no tơdrêng tung um tơvi mâu hneăng hôp trâm mâ kuăn pơlê mơhnhôk tâ phĭu dêi ngế tơbriât to pro kăn teăng mâ Kuô̆k hô̆i hneăng má 15 kong pơlê Dak Lak vâ tơniăn tơdroăng trâm mâ kuăn pơlê mơhnhôk tâ phĭu châ tơkŭm po tơniăn, tơtro ƀă pơkâ hbrâ mơdât pơreăng COVID 19, tơdrêng amê, rak tơniăn hnoăng ki pơxúa dêi mâu ngế tơbriât to pro kăn tiô pơkâ.

A Sa Ly tơplôu ƀă tơbleăng