Ối koi pơlât a kơvâ pơlât tơngê, hngêi pơkeăng 333, tơring Ea Kar, kong pơlê Dak Lak, mê ngoh Đào Văn Hậu, thôn Thanh Sơn, cheăm Ea Sar, tơring Ea Kar tối ăm ‘nâi, dâng 1 pơla măng t^ng hdrối nah, ngoh lăm ngăn dêi chiâk hnối koi tâm tung chiâk. Xua ôh tá vâ hbrâ rơnáu, djâ kơmung ki tro tơchiê, mê khoh tro tri trôu pâk. Klêi kơ’nâi châi ing chiâk, ngoh Hậu tơngê, pơlât dêi a hngêi péa hâi la ôh tá kâi prêi, mê nếo mot pơlât tung hngêi pơkeăng.

‘’Ối a hngêi á tơngê mê á lăm pâk têa sơrôm, klêi mê, xo pơkeăng pơlât, châ dâng môi hâi klêi mê tro tơngê nếo, pâk sơrôm pá 2 kung kếo nếo, á xâu ga lơ ối tơngê mê á khoh troh a hngêi pơkeăng 333 kố’’.

Kăn [o# ngăn ‘na pơkeăng kong pơlê Dak Lak bruô kơmung [ă hnê tối ‘na pơreăng tơngê mơdrâu ăm kuăn pơlê

Achê xoăng koi dêi ngoh Hậu mê cho Hồ A Sinh, ối a thôn Đông Giang, cheăm Ea Đah, tơring Krông Năng, dế tơngê râ ó. Hồ A Vi, ngoh dêi Hồ A Sinh tối ăm ‘nâi, péa khế hdrối nah, klêi kơ’nâi mot tung kong lăm tăng ko hdréa ngoh tro tơngê, lo ing hngêi pơkeăng tá hâi teăm châ ton to lâi ôh, mê nôkố athế mot tung hngêi pơkeăng vâ rak ngăn dêi o kơnốu:

‘’Kơtăn kố hiăng châ péa khế á tro tơngê, rơpo\ng á djâ á lăm pơlât tung hngêi pơkeăng, nôkố troh a o kơnốu á xuân tro tơngê, tâ tá hngêi trăng á xuân ai hên ngế ki tơngê mơdrâu tiah á’’.

Tơring Ea Kar cho tơring ki ai kơdrâm mơngế ki tơngê mơdrâu hên má môi a Dak Lak ai 57 ngế, tơku\m hên cho a 2 to cheăm Ea Sar [ă Ea Sô, ai 40 ngế. Tiô [ok thái pơkeăng Nguyễn Thị Kim Thành, kăn [ơrô pơlât ngăn kơvâ pơreăng tơngê dêi hngêi pơkeăng 333 tối, apoăng dêi tơdroăng tơngê mơdrâu kố ga tơ’lêi ôh tá ‘nâi, dó dêi châ bu tơngê kơ-ôk tê, mê hên ngê khoh hmâ pơlât to dêi a hngêi, ôh tá kâi prêi mê nếo troh a hngêi pơkeăng, drêng mê, tơngê hiăng râ ó:

‘’Sap apoăng hơnăm troh nốkố, krê kơvâ pơlât pơreăng tơngê kố, ngin hiăng tơdah ai 25 ngế ki tơngê. 25 ngế hiăng mot pơlât tung hngêi pơkeăng vâi pơrá hiăng tơngê râ, ai mâu ngế ki tơngê hlo tơviah ‘nâng, la klêi kơ’nâi pâk xo ngăn mơheăm mơnúa ngăn hlo ai pơreăng tơngê mơdrâu. Ngin pơlât tiô túa ki pơkâ dêi Khu xiâm ngăn ‘na pơkeăng [ă khăm pơlât. Klêi kơ’nâi pơlât mê tâi tâng vâi ki tơngê pơrá hiăng chía prêi, klêi pâk mơnúa xo mơheăm vâ ngăn ai 2 hdroh pơrá cho âm t^nh, ôh tá ai pơreăng tơngê mơdrâu, ôh tá ai ngế ki lâi chiâng châi tamo ki ê’’.

Ngoh Hồ A Sinh dế châ [ok thái pơkeăng khăm pơlât

Tiô hlá mơ-éa chêh tối dêi kơvâ ngăn ‘na pơkeăng [ă khăm pơlât kong pơlê Dak Lak tối, troh tâi khế 2 hơnăm kố, a kong pơlê kố hiăng hlo ai 120 ngế ki tro tâ pơreăng tơngê, tâk châ 3 hdroh tâng vâ pơchông ngăn [ă rơnó kố dêi hơnăm nah. Mâu ngế ki tro tâ pơreăng tơngê mơdrâu ki hên cho vâi kơnốu, khu ối rơtăm, khu hnu\m. Kố cho mâu ngế ki đi đo hmâ lăm tung kong, tâm tung chiâk deăng, klêi mê, trâm tơpui tơno [ă mâu ngế ki tro tâ pơreăng tơngê mơdrâu.

Pôa Hoàng Hải Phúc, Ngế pơkuâ ngăn tíu xiâm hbrâ mơdât pơreăng tơngê mơdrâu-pơlât pơreăng dêi kong pơlê Dak Lak tối ăm ‘nâi, mâu túa ki hbrâ mơdât pơreăng tơngê dế châ pêi pro rơdêi khât a tâi tâng mâu hngêi pơkeăng, maluâ a mâu tơring ki ai tơdroăng ki hiăng tâ tú pơreăng, kơdroh má môi ‘na tơdroăng ki tơngê mơdrâu ki râ ó:

‘’Tíu xiâm hbhrâ mơdât pơreăng tơngê mơdrâu dêi kong pơlê Dak Lak hiăng tối tơbleăng ăm Khu ngăn ‘na pơkeăng [ă khăm pơlât ai hla mơ-éa chêh pơtroh, hdrối [ă kơ’nâi Têt, malối a mâu tơtring ki ai kuăn pơlê tro tâ pơreăng tơngê kal athế hlê ple\ng nhên ‘na pơreăng tơngê. Klêi mê, athế ‘nâi nhên tơdroăng, drêng hiăng tơngê athế thâ re\ng lăm troh khăm pơlât a hngêi pơkeăng.

Tơdrêng amê, xuân pơkâ hnê mâu hngêi pơkeăng a mâu cheăm, tơring đi đo hbrâ rơnáu hnoăng cheăng drêng ai mơngế tơngê mơdrâu athế tơdah pơlât, rak ngăn vâi i krâu, mơdât tơdroăng ki chiâng châi tamo râ ki ê’’.

Mâu hơnăm achê pơla kố, hnoăng cheăng ki hbrâ mơdât pơreăng tơngê dêi kong pơlê Dak Lak hiăng châ pêi pro tro tiô kơlo ki kơdroh kơxo# mơngế tâ tú, ki hlâ rong [ă kơpong ki tro tơngê lơ tâ tú, mâu ngế ki tro tâ pơreăng tơngê châ hlo rêm hơnăm xuân ối tâk hên tung kơpong [ă tung lâp tơnêi têa.

Laga, kuăn pơlê tung kong pơlê kố hiăng pơxiâm ai tơdroăng ki tơngôu, lăm tung kong, koi tâm a chiâk, ôh tá djâ kơmung, pơkhom, bung, a mâu kơpong ki ai pơreăng tơngê tâ tú ôh tá xúa pơkeăng ki vâ tâm kơdê tri trôu ki kơvâ ngăn ‘na pơkeăng hiăng xing xoăng. Tâng pôi tá tơngôu mê pơreăng tơngê mơdrâu nếo châ mơdât.

Nam Trang chêh

Nhat Lisa tơplôu [ă tơbleăng