VOV4.Sêdang - Môi tiah Rơ’jiu Việt Nam hiăng tối, kơ’nâi 12 hơnăm tơkôm, kuăn pơlê a kơpong long têa Krông Pač Thượng pơxiâm djâ kuăn pơlê xĕn ối tíu ki nếo. Rêm râ khu kăn pơkuâ cheăng dế tơkŭm pro tơniăn tơdroăng rêh ối ăm kuăn pơlê.

Kơpong pro pơlê nếo tơbăng lĕm ai tŭm kế tơmeăm ki kal tung tơdroăng ki vâ xúa dêi kuăn pơlê

Tiô pơkâ, lối 700 rơpŏng kuăn pơlê vâ chê 4.000 pơ’leăng mâ mơngế a 3 to thôn 9, 10 ƀă 11, cheăm Čư̆ San, tơring M’Drak kô xê̆n kuăn pơlê lăm ối a pơlê nếo kơxô̆ 1 dêi cheăm  Čư Êlang ƀă kơpong pơlê nếo kơxô̆ 2 dêi cheăm Čư Bông, tơring Ea Kar vâ pêi pro tơdroăng kâng rơchôa têa 4.400 rơtal liăn Krông Pač Thượng.

Čư̆ Êlang dế veăng tŏng kum kuăn pơlê a tíu ki pro pơlê nếo vâ tơniăn tung rêh ối

Troh nôkố, ƀă tơdroăng mơhnhôk dêi rêm râ kơvâ cheăng tơring ƀă mâu tơdroăng ki ăm hlo, kuăn pơlê ki lăm ối tíu ê mê thế rak tơniăn tơdroăng rêh ối - tơniăn tâ pơlê ton, kơxô̆ rơpŏng chêh inâi vâ lăm xê̆n ối tiú ê tâk vâ chê 200 rơpŏng.Vi ƀan tơring M’Drak ăm ‘nâi, tơring dế mơhnhôk mâu ngế, hlối veăng kum kuăn pơlê lăm ối tíu ê, hlối mơhnhôk kuăn pơlê vâ môi tuăn ƀă tơdroăng pơkâ rĕng pê klêi tơdroăng pơcháu lăm ối a pơlê nếo dêi mâu rơpŏng ki lo ing kơpong long têa Krông Pač Thượng. 

Gương tơplôu ƀă tơbleăng