VOV4.Sêdang - Tiô Khu hnê mơhno hbrâ mơdât pơreăng COVID-19 kong pơlê Dak Lak, tung hâi lơ 8/8 , tung lâp kong pơlê ai tơ’nôm 20 ngế tâ tú SARS-CoV-2  a 6 tơring ƀă pơlê kong kơdrâm. Tung 20 ngế ki tâ tú tung hâi lơ 8/8, ai 14 ngế châ ‘nâi tâ tú tung kuăn pơlê, tung mê ai 3 ngế a tơring MDrak hâi ‘nâi xiâm tâ tú ing lâi, châ Khu ngăn pơkeăng tơring châ ‘nâi drêng khăm rah ngăn mơheăm tiô rơnó.

Khoa Nội - Nhi -Nhiễm  dêi Hngêi pơkeăng tơring M’Drak klâ krê pơtân vâ mơdât pơreăng COVID -19

Tơdjâk troh mâu ngế ki tâ tú nếo châ ‘nâi mê, tung kơmăng lơ 7/8, Hngêi pơkeăng tơring MDrak hiăng mơdât hngêi xŏn B3 (mê cho khoa hồi sức- Cấp cứu ƀă Khoa Nội - Nhi- Nhiễm). Tâi tâng mâu ngế ngăn pơkeăng, mâu ngế ki pơlât, ƀă rơpŏng hngêi mơngế ki khăm pơlât ăm klâ krê amê ƀă hlối xo mơheăm rĕng ngăn vâ ‘nâi hôm tâ COVID-19. Riân troh 17h, hâi lơ 8/8, kong pơlê Dak Lak hiăng ‘nâi ai 391 ngế yương tĭnh ƀă SARS-CoV-2, tung mê dế pơlât 376 ngế, ai 14 ngế hiăng prêi ƀă 1 ngế hlâ.

Gương tơplôu ƀă tơbleăng