Rêm rôh lăm troh a chiâk kơphế, tơdroăng cheăng ki apoăng dêi rơpo\ng pôa Nguyễn Văn Nam a thôn 9, cheăm Hòa Phú, pơlê kong kơdrâm {uôn Ma Thuột xuân môi tiah hên rơpo\ng kuăn pơlê ki ê mê cho athế chiâ klôh tâ tá dêi chiâk vâ go#m ‘măn môi tíu mâu klo\ng, trum pâk dêi mâu ngế ki xúa ‘na pâk chik ma tu\i hvât dêi. Pôa Nam ăm ‘nâi, tơkâ luâ môi măng cho a chiâk kơphế dêi pôa hlo ai lối chât to klo\ng, trum pâk ma tu\i ối krêa [ă dêi rơpó hvât hmâng vâ. Hên ngế ối pâk ‘măn trum a xiâm loăng kơphế.

Hdrối nah mâu rơpo\ng ối djâ dêi kuăn ‘ne#ng prôk lăm a chiâk rế pêi rế ngăn dêi kuăn ‘ne\ng, nôkố rơpo\ng ki lâi xuân ai ngế ki ối hngêi lơ lăm ‘măn dêi kuăn ‘ne#ng a mâu rơpo\ng hngêi ki vâi hmâ mê nếo khên lăm prôk dêi a chiâk.

‘’Hlo tơdroăng ki mâu ngế ki pâk chik xúa trếo ma tu\i mot tung kơdrum deăng kơphế ngin, mê ngin hêng hôu khât. Vâ hbrâ ví tơdroăng kố, tơná ngin hmôu pơ mơhnhôk dêi rơpó, go#m văng mâu trum, klo\ng ma tu\i ki vâi hvât hmâng vâ vâ ví tơdroăng ki kuăn pơlê prôk vêh tung kơdrum tro chuâ, hblâk, pro chiâng tâ tú pơreăng’’.

Rêm roh mot tung chiâk, kuăn pơlê a cheăm Hòa Phú athế go#m ‘măn klo\ng, trum dêi mâu ngế ki pâk chik hvât hmâng vâ

Ôh ti xê to kuăn pơlê ki pêi chiâk deăng tê xâu tro hblâk trum pâk ma tu\i, vâi krâ nho\ng o ối tô tuăn troh dêi mâu kuăn ‘ne\ng tơná, drêng mâu vâi o hmâ vêh ing hriâm tơkâ luâ troăng ki ai hên to klo\ng, trum pâk ma tu\i [ă hên ngế ki pâk chik xúa trếo ma tu\i. Pôa Vũ Quang Hưng a thôn 12, cheăm Hòa Phú, pơlê kong kơdrâm {uôn Ma Thuột tối ăm ‘nâi:

‘’Pâk chik hmâng vâ a kơpong ki cheăng [ă kơmăi kơmok [ă a kơdrum kơphế, kuăn pơlê lăm dêi a chiâk deăng xâu lơ tro hblâk, rơ-iô khât. Ngin hlo mâu trum ki pâk mê ngin tôm xo tơdrêng hlối tung kơthung. {ă mâu vâi muăn ki lăm hriâm mê xuân xâu, ôh tá mơhúa tro xêh mê ah trâm mâu vâi muăn prôk a troăng. Ngin rơhêng vâ tăng rup tâi mâu ngế ki pâk chik xúa trếo ma tu\i vâ gá chía kơdroh iâ tơdroăng ki tong hơ’ve\ng’’.

Ôh ti xê to a kơdrum kơphế dêi kuăn pơlê mê a tíu cheăng [ă kơmăi kơmok Hòa Phú, sap ing bo cheăng ki mot troh mâu troăng tung kơpong cheăng kế tơmeăm, trum pâk chik ma tu\i xuân tro khu ki xúa hvât hmâng vâ. Pôa Đinh Quang Phan, kăn pơkuâ Ko\ng an cheăm Hòa Phú ăm ‘nâi, tơdroăng ki xúa [ă tê roê mâu trếo ma tu\i tung cheăm kố hlo ôh tá tơniăn. Lâp cheăm ai 64 ngế ki pâk chik ma tu\i, tung mê ai 38 ngế cho ối a cheăm ki ê, 17 ngế hiăng tro kroăng phâk [ă 9 ngế a cheăm ối pơlât [ă mơdât dêi tơdroăng chik ma tu\i.

Tung hơnăm 2018, ko\ng an cheăm hiăng tơru\m [ă ko\ng an kong pơlê [ă ko\ng an pơlê kong kơdrâm {uôn Ma Thuột rup 3 ngế ki ‘măn kơtoâ ôh tá tro luât trếo ma tu\i. Laga, kố cho mâu ngế ki hiăng châ chêh inâi, ối hên mâu ngế ki ê mê cheăm tá hâi ‘nâi tâi:

‘’Tung cheăm Hòa Phú, mâu ngế ki pâk chik ma tu\i hmâ xúa mâu tíu môi tiah: kơpong cheăng [ă kơmăi kơmok, ilâng kiâ, kơpong drô k^ng têa kroăng, kơpong kơdrum deăng ki ôh tá ai mơngế prôk vêh vâ xúa mâu trum pâk ôh tá tro luât trếo ma tu\i. Nôkố hnoăng cheăng ‘na ‘nâi nhên tơdroăng xuân môi tiah tơdroăng cheăng ki séa ngăn dêi ko\ng an cheăm Hòa Phú mê tung cheăm ối 4 tíu roê, tê ôh tá tro luât ‘na ma tu\i’’.

Cheăm Hòa Phú cho hơlâ peăng hdroh dêi pơlê kong kơdrâm {uôn Ma Thuột, ai kơpong cheăng [ă kmăi kơmok kân má môi kong pơlê [ă troăng kân kơxo# 14 prôk tơkâ. Laga, xua ki hên tơnêi dêi kơpong cheăng [ă kơmăi kơmok chúa lôi tung hên hơnăm, preăng ai kuăn pơlê, mê chiâng tíu ki mâu ngế ki pâk chik ma tu\i, mâu ngế ki roê, tê ma tu\i hmâ lăm troh.

Pôa Từ Văn Hợi, kăn hnê ngăn Vi [an cheăm Hòa Phú ăm ‘nâi, vâ mơdât [ă mâu ngế ki xúa trếo ma tu\i [ă mâu ngế ki hiăng pâk chik trếo ma tu\i, khu kăn pơkuâ hiăng tối tơbleăng, mơhnhôk vâi krâ nho\ng o tối tơbleăng ‘na mâu ngế ki pro xôi. Sap ing tơdroăng ki ăm ‘nâi dêi kuăn pơlê hên rôh ‘măn rak roê tê trếo ma tu\i [ă mâu tíu ki tơku\m pâk chik, hiăng châ khu ko\ng an plâ ‘nhiê.

‘’Cheăm hiăng hnê mơhno ăm Khu ko\ng an, rêm khế tiô mâu troăng ki xiâm lơ ai klo\ng, trum ki vâi pâk chik hmâ a 3 chôu kơxê ai ko\ng an, mê khu ko\ng an viên go#m xo [ă hnối mơhnhôk mâu rơpo\ng kuăn pơlê veăng go#m ‘măn môi tíu. Laga, tơnêi tơníu gá pá khât mê chiâng pro tơ’lêi hlâu ăm mâu ngế ki pro xôi , maluâ hiăng mơgât dêi tuăn hiâm, rế hía rế kơdroh, la mơdât tâi tâng hlối cho ối môi tơdroăng ki xơpá. Vâ pêi pro tơdjuôm tơdroăng kố rơhêng vâ rêm râ, kơvâ cheăng tơmâng ngăn, to\ng kum, pro tơ’lêi hlâu ăm’’.

Vâ cheăm Hòa Phú chiâng cheăm ki ôh tá ai ma tu\i pá k^ng ivá mơ-eăm dêi khu kăn pơkuâ, mê kuăn pơlê, mâu kơvâ cheăng, rêm râ sap ing pơlê kong kơdrâm troh kong pơlê xuân kal mơdêk pêi pro châ tơ-[rê hnoăng cheăng tơplâ mơdât [ă khu ngế pro xôi.

Tuấn Anh chêh

Katarina Nga tơplôu [ă tơbleăng