Kơ’nâi hên rôh djâ dêi kuăn lăm pơlât a hngêi pơkeăng tơring vâ pâk vaccine 6 tung 1 la tơdroăng ki ôh tá ai pơkeăng, prếi on veăng ngoh Đặng Ngọc Tú, cheăm Ea Bông, tơring Krông Ana, kong pơlê Dak Lak hiăng thế tơkâ luâ vâ chê 20 km vâ djâ ngế kuăn ki nếo 5 khế lăm pơlât a hngêi pơkeăng hbrâ mơdât pơreăng kong pơlê Dak Lak pâk vaccine ki pin ăm dêi liăn. Tơdroăng djâ dêi kuăn prôk hơngế lăm pâk hlối mơdoh hâi, hlối tâi liăn, la prếi on veăng ngoh Tú ôh tá tơche\ng hên ‘na ki mơjo liăn, xua ngoh tơmiât loi khât vaccine 6 tung 1 cho tơdroăng ki tro má môi, rak tơniăn ăm dêi kuăn la drêng tâng tối ‘na mâu tơdroăng klêi pâk pơkeăng kô pro chiâng châi ki ê klêi pâk vaccine Combe Five ki pro dế hlo hên vâi chêh a mâu hlá tơbeăng.

‘’Hngêi á djâ dêi kuăn troh lăm pâk pơkeăng vaccine 6 tung 1 rôh má 2 xua tung tơring ôh tá ai pơkeăng mê chiâng lăm troh akố vâ pâk. A xo pâk pơkeăng 6 tung 1, xua pơkeăng ki kố ga tơniăn ăm kuăn á’’.

Ngoh Tú thế prôk luâ 20km vâ djâ dêi kuăn ki ối tơx^n rôe pâk pơkeăng vaccine 6 tung 1

Tơdrêng [ă tơdroăng tô tuăn tơchoâm ‘na vaccine Combe Five môi tiah ngoh Tú prế nâ Nguyễn Thị Loan Thảo ối a pơlê kong kơdrâm {uôn Ma Thuột xuân rah xo tơdroăng pâk pơkeăng vaccine ki pin pâk ăm liăn cho pơkeăng 6 tung 1 vâ pâk dêi kuăn mơdât tơdroăng ki pro chiâng châi ki ê klêi pâk pơkeăng:

‘’Ăm o pâk pơkeăng 6 tung 1 rôh ki má péa. Tung pâk akố tơniăn. Á tâng hên ngế tối ing hên hlá tơbeăng tung măng ai chêh tối, pâk pơkeăng vaccine a bêng klêi pâk pro ngế ‘ne\ng tơngê, ‘nâ hía tơngê mơdrâu pro tơdro kơdrâ, ‘nâ hía pro lo tum hbri hbríu, tơmiât á xâu há xua tô tuăn ‘na ivá ăm dêi kuăn’’.

Mâu kuăn pơlê ki kal vâ pâk pơkeăng vaccine 6 tung 1 rế tâk hên, tung pơla mê, mâu veăng pêi cheăng pâk pơkeăng ki mê ôh tá ‘nâi nhên kơxo# vâi ‘ne\ng ki hiăng chêh inâi vâ pâk, mê ôh tá ‘nâi hdrối tơdroăng vâ rôe xo pơkeăng vaccine ing kong têa ê vâ hbrâ ‘măn ăm pâk, mê chiâng ôh tá bê pơkeăng.

Pôa Vũ Văn Đủ, [ok thái ki hnê tối ăm ‘nâi nhên [ă tơleăng mơnhên mâu ki hdrối pâk pơkeăng [ă klêi pâk pơkeăng. Hngêi pơkeăng ki ăm liăn pâk pơkeăng tiô khoa hok kih thuât hbrâ mơdât pơreăng kong pơlê, Tíu xiâm ngăn ‘na mơgrúa pơkeăng Tây Nguyên tối ăm ‘nâi, 4 khế apoăng hơnăm kố, Hngêi pơkeăng hiăng rôe 600  klo\ng pơkeăng hơnăm nah, la xuân ôh tá bê vâ ăm mơngế ki kal vâ pâk.

‘’Apoăng khế 3 ai iâ, nôkố hiăng tâi, vâ chê môi khế kố. Á krếo phôn puk pâk, ôh tá ai vâi vêh xêh tê’’.

{ok thái pơkeăng Phạm Văn Lào, Kăn pơkuâ hngêi pơkeăng hbrâ mơdât pơreăng kong pơlê Dak Lak tối ăm ‘nâi, tô tuăn rêm hdrôh djâ kuăn lăm pâk, xuân tung tuăn tơchoâm dêi hên ngế nôu pâ. Malối, tung mâu hâi hiăng luâ tâng tối vâi ‘ne\ng pâk pơkeăng vaccine Combe Five a mâu kong pơlê pro vâi ‘ne\ng chiâng châi tơdroăng ki ê, chiâng tơngê ‘nâ hía hlối hlâ thăm rế pro hên ngế nôu pâ chiâng tô tuăn ó khât.

La [ok thái pơkeăng Phạm Văn Lào tô tuăn khât ‘nâng, pôi tá lăm pâk pơkeăng vaccine ki pin ăm dêi liăn ah chiâng lôi rôh ki ‘ló tro vâ pâk pơkeăng vaccine hbrâ mơdât pơreăng ăm vâi ‘ne\ng, malối tung pơla sap ing 2 troh 12 khế mâu rôh pâk kal châ pâk đi đo, pâk tro hâi khế hiăng pơkâ. Teăng tơkôm pơkeăng vaccine ki rôe vâ pâk pơkeăng 6 tung 1, mâu nôu pâ thế loi khât a tơdroăng pâk pơkeăng vaccine Combe Five tung Tơdroăng pâk pơkeăng po rơdâ.

‘’Kuăn pơlê xuân thế hlê tro tơdroăng, Combe Five ôh tá pro ăm chiâng ai tơdroăng châi ki môi tiah kuăn pơlê tô tuăn. Kuăn pơlê thế djâ dêi kuăn lăm pâk xua nôkố kơvâ ngăn pơkeăng ngin xuân hiăng pêi cheăng khăm ngăn ahdrối, ‘nâi nhên ‘nôi klêi mê nếo ăm pâk vâi muăn kuăn cháu, tâng vâi muăn ki lâi dế ai ivá mo le\m kô ngin kô pâk, tâng vâi muăn ki lâi dế châi tamo, lơ nhôm ôh tá mo mê ngin thế pôu râng dêi tâi tâng mâu tơdroăng, xua mê, kuăn pơlê hmiân tuăn thế lăm pâk pơkeăng Combe Five vâ kơdroh tơdroăng ‘no liăn rôe pâk pơkeăng [ă hlối tơniăn ăm ivá vâi muăn kuăn cháu.

Nam Trang chêh

Gương tơplôu [ă tơbleăng