VOV4.Sêdang - Hâi lơ 6/6, Vi ƀan tâ phĭu cheăm Čư̆ San, tơring MDrak, kong pơlê Dak Lak hiăng vêh tơkŭm po tâ phĭu pôk kăn Hô̆i đong hnê ngăn cheăm, hneăng hơnăm 2021 – 2026 a 3 tíu pôk cho mâu thôn 9, 10, 11 dêi cheăm Čư̆ San ai kơxô̆ ngế kuăn pơlê lăm pôk tá hâi châ tơdế tung tâi tâng kơxô̆ kuăn pơlê tung inâi lăm tâ phĭu.

Dak Lak vêh tơkŭm po tâ phĭu pôk kăn Hô̆i đong hnê ngăn cheăm, hneăng hơnăm 2021-2026

Chêh tối a pái tíu tâ phĭu tơdroăng ki tâ phĭu pêi pro kơtăng, tro luât. A mâu tíu ki vêh pôk, Vi ƀan tâ phĭu cheăm Čư̆ San xoăng mâu ngế cheăng ‘na khăm pơlât gak ngăn, hnê mơhno kuăn pơlê klâ hngế ing dêi rơpó pơla ngế ki kố ƀă ngế tá ƀă hbrâ têa kơdê pơreăng, kơmăi ki vê ngăn ki tô hngíu, kên klup môh rơkong pơkeăng ƀă hên ki ê vâ rak tơniăn pơkâ ‘na hbrâ mơdât pơreăng.

Klêi kơ’nâi riân troh kong măng lơ 6/6, pái tíu tâ phĭu pôk kăn Hô̆i đong hnê ngăn kuăn pơlê cheăm Čư̆ San ai kơxô̆ kuăn pơlê lăm tâ phĭu: a tíu pôk kơxô̆ 9 châ lối 88%, a tíu tâ phĭu kơxô̆ 10 châ vâ chê 70%, a tíu tâ phĭu kơxô̆ 11 châ 22%.

Nga tơplôu ƀă tơbleăng