VOV4.Sêdang - Dak Lak xuân rak troăng tơkŭm po tơ’noăng mot lâm 10 hngêi trung râ má pái phôh thong ƀă 4 môn tơ’noăng mê cho Ngữ văn, Toán, môn kong têa ê ƀă môn ki tơná rơkê. Hơnăm 2021 – 2022, Dak Lak kô tơkŭm po tơ’noăng mot lâm 10 ƀă péa hngêi trung râ má pái phôh thong ki phá tơ-ê cho: Hngêi trung râ má pái phôh thong chuyên Nguyễn Du ƀă Hngêi trung râ má pái phôh thong hdroâng kuăn ngo ai tíu kâ koi ối pơtê Nơ Trang Lơng; mâu hngêi trung tơnêi têa mơ’no liăn mơjiâng pro ki ê tơkŭm po tiô troăng rah xo.

Tung pơla tơkŭm po tơ’noăng a hâi lơ 8 ƀă lơ 9/6/2021. Pơtối mê, hâi lơ 8/6, peăng kơxo, hok tro pro ƀai tơ’noăng Ngữ văn, peăng kơxê, hok tro pro ƀai tơ’noăng môn kong têa ê. Hâi lơ 9/6, peăng kơxo, hok tro pro ƀai tơ’noăng môn Toán, peăng kơxê pro ƀai môn ki tơná rơkê.

Tiah mê, Dak Lak xuân ối rak hâi khế tơ’noăng mot lâm 10 môi tiah tơbleăng hdrối mê. Vâ hneăng tơ’noăng rah xo hok tro mot lâm 10 tơkŭm po tơniăn, kơtăng, tro tiô pơkâ, Khu pơkuâ hnê hriâm ƀă Hnê mơjiâng tuăn ngôa rơkê hiăng pơkâ thế kăn ƀô̆, thái cô, mâu ngế pêi cheăng mâu hngêi trung mơdêk pôu râng hnoăng cheăng, kơtăng pêi pro hbrâ tơtro má môi ‘na kế tơmeăm khoăng kum ăm hneăng tơ’noăng, mâu tíu tơ’noăng thế tơniăn tung hbrâ mơdât pơreăng COVID 19.

A Sa Ly tơplôu ƀă tơbleăng