VOV4.Sedang -  Tiô Vi ƀan ngăn Tâ phĭu kong pơlê Dak Nông, Hô̆i đong Tâ phĭu tơnêi têa hiăng vâ môi tuăn ăm 12 to đông tơkăng kong ƀă tiêuh đoân hriâm lăm ukố umê a 19 tíu tung kong pơlê Dak Nông rĕng tâ phĭu hdrối ai môi hâi tâng vâ pơchông ƀă tơdroăng pơkâ. Troh nôkố, mâu tíu pêi cheăng dêi đông tơkăng kong hbrâ tâ phĭu châ tơbleăng tro hâi khế pơkâ ƀă tro Luât tâ phĭu.

Mô đô̆i gâk kring tíu tơkăng kong pơtâng tối tơdroăng tâ phĭu rah xo kăn troh kuăn pơlê

Đăi tă Phạm Quý Vỹ, Ngế xiâm phŏ chính ủy, Ngế xiâm pơkuâ ngăn lêng mô đô̆i gak tơkăng kong dêi kong pơlê Dak Nông ăm ‘nâi, tung pơla hdối kố nah a troăng tơkăng kong pơla Việt Nam - Kul ai hên tơdroăng ki rơ-iô pá vâ châ ‘nâi hdrối ‘na pơreăng COVID-19. Vâ tơniăn ăm hneăng tâ phĭu, mâu mô đô̆i gak tơkăng kong pâ thế rĕng châ tâ phĭu hdrối tâ vâ tơniăn pêi pro tơdroăng pơkâ tơpéa tơdroăng  hlối kring gak tơkăng kong tơnêi têa hlối hbrâ mơdât pơreăng xua pơreăng COVID-19.

Gương tơplôu ƀă tơbleăng