VOV4.Sêdang - Tiô Vi ƀan tâ phĭu rah xo kăn kong pơlê Dak Nông, troh nôkố lâp tung kong pơlê hiăng ai ngế nâp hồ sơ lo tơbriât pro kăn Hô̆i đong kong pơlê hneăng 9, hneăng hơnăm 2021-2026 ƀă hâi ai ngế nâp hô sơ lo tơbriât pro kăn Kuô̆k hô̆i hneăng 15.

Vâ rak tơniăn tro tiô hâi khế pơkâ tơdah xo hồ sơ ngế ki lo tơbriât pro kăn Kuô̆k hô̆i hneăng 15 ƀă kăn hnê ngăn Hô̆i đong kong pơlê, Vi ƀan ngăn tâ phĭu kong pơlê hiăng thế mâu kơ koan, tíu pêi cheăng ai ngế lo tơbriât thế thế mâu ngế ki châ tơbleăng inâi lo tơbriât mê rĕng pro klêi hla mơ-eá tro tiô hâi kế pơkâ.

Ƀă tơdroăng tâ phĭu rah xo kăn Hô̆i đong râ tơring ai 77 tíu tâ phĭu  rah xo kăn hnê ngăn Hô̆i đong râ tơring, tung mê ai tâi tâng kơxô̆ mâu kăn Hô̆i đong tơring, pơlê kong kơdrâm hneăng hơnăm 2021-2026 châ rah xo ai 287 ngế.

Gương tơplôu ƀă tơbleăng