VOV4.Sêdang - Kơ’nâi klâ krê pơlê pơla hbrâ mơdât pơreăng Covid-19, kong pơlê Dak Nông hiăng ăm phêp po nếo mâu tíu pêi cheăng ki ai krâm mơngế, môi tiah po mơdĭng, po leh kân mơhno tuá lĕm tro, tơ’noăng ivá. Tơdrêng amê kong pơlê thế pro kơtăng ‘na tơdroăng hbrâ mơdât pơreăng ki kal, hbrâ pêi tơ-ƀrê tung tơdroăng tâng ai tâ pơreăng. Tiô Vi ƀan hnê ngăn kong pơlê Dak Nông, tơdroăng ăm phêp po nếo mâu hâi mơdĭng, mơhno tuá lĕm tro tơ’noăng ivá, po leh tơkŭm pú hên xua pơreăng Covid-19 a mâu kong pơlê hiăng kâi mơdât.

Vâ tơniăn ‘na hbrâ mơdât, Vi ƀan kong pơlê Dak Nông thế kơvâ ngăn ôm hyô hlối tơbleăng mâu tơdroăng mơhnhôk mơngế troh ôm hyô, hlối tơbleăng hbrâ mơdât Covid-19. Pakĭng mê, Dak Nông hnê tối ăm kuăn pơlê pơtối truâ kên pâng môh - rơkong drêng lo ing hngêi, prôk drô troăng, ối a mâu tíu pú hên ƀă drêng to rơxế; thế đi đo xếo kŏng ƀă kơ ƀŏng lơ ƀă têa pơkeăng kơdê pơreăng, ối hơngế drêng tơpui vâ tơniăn.

Gương tơplôu ƀă tơbleăng