VOV4.Sêdang - Hâi lơ 18/5, Khu xiâm pơkuâ lêng kong pơlê Dak Nông hiăng tơkŭm chiâ, tơkŭm xo kơxêng kiâ mô đô̆i a 7 tơnâp kiâ mô đô̆i hlâ tung tơplâ a thôn 8, cheăm Quảng Tân, tơring Tuy Đức, kong pơlê Dak Nông. Tung kơxô̆ 7 tơnâp kiâ mô đô̆i châ chiâ xo kơxêng, 3 tơnâp kiâ u ối kơxêng, 4 tơnâp bu u ối tơmeăm khoăng mô đô̆i nah tê mê cho: ting tong, hơkê, kơdjiăn ếo ƀă hía hé.

Tiô mâu mô đô̆i hneăng hdrối nah tơplâ a kơpong kố tối, kố cho mâu kơxêng kiâ mâu mô đô̆i ối tung Trung đoân 205 ƀă Trung đông 271 (Ối tung Khu xiâm pơkuâ lêng peăng mâ hâi lo ton nah) hlâ a dâng hơnăm 1973 – 1974. Kơpong ti tăng châ mâu tơnâp kiâ mô đô̆i ki  hdrối nah châ mô đô̆i pro inâi cho ngo “klâ tơdế” xua rơtế môi to ngo ki mê khu lêng pin pơkuâ môi pâ ƀă lêng kong têa ê pơkuâ môi pâ. A kơpong kố, hdrối nah khu cheăng hiăng tăng châ hlo 20 tơnâp kiâ mô đô̆i. Nôkố khu cheăng pơtối po rơdâ kơpong ti tăng.

A Sa Ly tơplôu ƀă tơbleăng