VOV4.Sêdang - Bú ối pa 2 măng tĭng ‘nôi, hâi leh tâi tâng kuăn pơlê lăm tâ phĭu rah xo kăn Kuô̆k hô̆i hneăng 15 ƀă Hô̆i đong hnê ngăn kuăn pơlê rêm râ hneăng 2021-2026. A kong pơlê Dak Nông mâu tơdroăng hbrâ vâ troh hâi tâ phĭu hiăng châ rơnáu tŭm. Tiô Vi ƀan kong pơlê Dak Nông, tung hneăng 2021-2026 kong pơlê Dak Nông ai 10 ngế lo tơbriât pro kăn Kuô̆k hô̆i hneăng 15 (tung mê, ai 2 ngế cho Tíu xiâm tơnêi têa rah thế lo tơbriât) cha xĭng xoăng, tơbleăng ‘na mơhnhôk lo tơbriât a 2 tiú tâ phĭu. 88 ngế lo tơbriât pro kăn Hô̆i đong hnê ngăn kong pơlê hneăng 14 châ xĭng xoăng, tơbleăng mơhnhôk lo tơbriât a 14 tiú tâ phĭu.

Môi to troăng prôk a Gia Nghĩa hiăng châ 'mâi rơnêu, bro i lĕm hdrối vâ troh hâi tâ phĭu

Troh nôkố, a Dak Nông tơdroăng séa ngăn chêh inâi kuăn pơlê hiăng ƀă dế châ mâu tơring cheăm thâ chêh vâ rĕng klêi. Lối 410 rơpâu ngế kuăn pơlê vâ lăm tâ phĭu, ƀă púi vâ hlá phĭu dêi tơná tâ châ tro mâu ngế kăn ki ai tuăn mơno lĕm, hlối rơkê khât.

Gương tơplôu ƀă tơbleăng