VOV4.Sêdang - Hâi lơ 6/4, Vi ƀan tâ phĭu kong pơlê Dak Nông tơkŭm hôp mơ’no tơdrêng tung um tơvi hriâm mâu tơdroăng ‘na tâ phĭu rah xo kăn Kuô̆k hô̆i hneăng 15 ƀă Kăn hô̆i đong kuăn pơlê rêm râ, hneăng hơnăm 2021- 2026. Hơnăm kố nah, Khu kăn Đảng kong pơlê, Khu hnê mơhno tâ phĭu kong pơlê Dak Nông, Hô̆i đong kuăn pơlê, Vi ƀan hnê ngăn kuăn pơlê, Vi ƀan Măt trâ̆n tơnêi têa Việt Nam kong pơlê ƀă Vi ƀan ngăn tâ phĭu kong pơlê tơmâng hnê mơhno pêi mâu tơdroăng hbrâ tâ phĭu.

Dak Nông hriâm mâu tơdroăng vâ tâ phĭu

Troh nôkố, kong pơlê hiăng pêi klêi mâu tơdroăng hbrâ tâ phĭu, tơniăn pêi tro tiô pơkâ dêi luât, hnê mơhno ăm râ kơpêng ƀă tơtro tiô tơdroăng cheăng a kong pơlê. Mâu tơdroăng ki pá, tơvâ tơvân ‘na tơdroăng hbrâ tâ phĭu hiăng châ mâu kơ koan xiâm tơnêi têa, kong pơlê hnê mơhno, tơleăng mơnhên.

Pôa Trần Xuân Hải, Kăn phŏ hnê ngăn Vi ƀan kong pơlê, Kăn phŏ hnê ngăn tâ phĭu kong pơlê thế mâu kăn ki veăng hôp tí tăng ‘nâi plĕng teăm tơdrêng ăm mâu kăn Đảng, mâu khu râ kăn ƀă hnê mơhno tơdroăng tơkŭm tâ phĭu tro tiô pơkâ dêi luât.

Gương tơplôu ƀă tơbleăng