Tung mâu ngế ki tâ pơreăng kơ-ôk A H1N1, ai 9 ngế a tơring Dak Rlâp, 1 ngế a tơring Tuy Đức, kong pơlê Dak Nông. Nôkố mâu ngế ki kố dế châ pơlât a Hngêi pơkeăng kân tơring Dak Rlâp [ă mâu ngế ki ê hiăng châ djâ pơlât a hngêi pơkeăng râ kơpêng.

Ing hnoăng cheăng ki re\ng ‘nâi nhên tơdroăng kal sap ing tối tơbleăng dêi mâu hngêi pơkeăng [ă séa ngăn mâu ngế ki tâ pơreăng dế châ pơlât a Hngêi pơkeăng Chợ Rẫy, pơlê kong kân Hồ Chí Minh, Khu ngăn pơkeăng [ă khăm pơlât kong pơlê Dak Nông tối nhên: Ivá châ chăn dêi mâu ngế ki tâ pơreăng kố pơrá hlo hiăng vâ chía tơniăn, ai mâu ngế ki ‘nâ hiăng prêi le\m. Nôkố mâu ngế ki tâ pơreăng kố xuân dế châ klâ ối hơngế, vâ séa ngăn krê.

{ok thái pơkeăng Lê Đình Thi, kăn pho\ pơkuâ ngăn hngêi pơkeăng kân tơring Dak Rlâp, kong pơlê Dak Nông ăm ‘nâi, tơdroăng ki ai mâu ngế a tơring tâ pơreăng kơ-ôk AH1N1 hiăng pro kuăn pơlê tô tuăn, xâu rơ-iô. Hên ngế ki tâ pơreăng hiăng troh a hngêi pơkeăng vâ khăm ngăn, pâk xo mơheăm séa ngăn vâ ‘nâi hôm ai virus kơ-ôk A H1N1 há lơ ôh, mê pro mâu ngế ki tâ pơreăng lăm khăm hên khât tâng vâ pơchông [ă mâu hâi hdrối.

Ki nhên gá, kơxo# ngế troh khăm [ă pơlât a Hngêi pơkeăng tơring Dak Rlâp tung hâi lơ 10/7 ai vâ chê 700 ngế, [ă lối 900 túa mơheăm ki pâk séa ngăn, tâk hên hdroh tâng vâ pơchông [ă mâu hâi tiah hmâ.

‘’Kơvâ ngăn pơkeăng hiăng hbrâ rơnáu tung khăm, pơlât ăm mâu ngế ki ai pơreăng. La xuân hnê tối vâi krâ nho\ng o pơreăng kơ-ôk A H1N1 cho pơreăng kơ-ôk tiô rơnó, bu chiâng pơlât ăm mâu ngế ki tơngê hmân lối 38 đo#, [ă ai kơpong ki pơreăng tơdjâk troh [ă mâu pơreăng ki ê, môi tiah mơheăm ôh tá kâi kơtâu tâk troh a ngôa, ‘mêi plâi nuih, nu\m nheăn, gut, cho mâu túa pơreăng pro kơdroh ivá ki vâ kâi trâng mê athế mot pơlât a hngêi pơkeăng. {ă tâi tâng cho pơlât a pơlê pơla [ă mơgrúa le\m dêi châ chăn tơná cho troăng hơlâ ki kal má môi’’.

Tiô Khu ngăn pơkeăng [ă khăm pơlât kong pơlê Dak Nông tối ăm ‘nâi, tíu cheăng kố hiăng tơku\m mâu ngế cheăng, kế tơmeăm xúa vâ pêi pro tro tiô tơdroăng ki rơhêng vâ khăm pơlât, pâk xo mơheăm séa ngăn pơreăng dêi kuăn pơlê. Tơdrêng a mê, hnối mơjiâng kơpong ki klâ ối krê vâ pơlât mâu ngế ki tâ pơreăng kơ-ôk A H1N1.

Tíu cheăng kố xuân tối tơbleăng hnoăng cheăng vê hdró kơpong [ă xôh pơkeăng a kong tơnêi tơníu a mâu tíu ki châ mâu ngế tâ pơreăng kơ-ôk vâ ví pơreăng tâ tú troh a pơlê pơla.

Pôa Hà Văn Hùng, kăn pho\ pơkuâ Khu ngăn pơkeăng [ă khăm pơlât kong pơlê Dak Nông, tối ăm ‘nâi:

‘’Tâi tâng mâu ngế ki châi tamo ki mơni kô tâ pơreăng kơ-ôk A H1N1 mê ngin hiăng tơku\m pơlât a hngêi pơkeăng kân tơring Dak Rlâp. Troh nôkố mâu ngế ki kố hiăng hlo vâ chía prêi tâ, ai mâu ngế ki ‘nâ hiăng prêi le\m, u ối iâ ngế dế pơtối koi pơlât, [ă kơlo ki ôh tá râ. Mâu troăng hơlâ hbrâ mơdât pơreăng a pơlê pơla, drêng châ hlo ngế tâ pơreăng tiah mê ngin hiăng hdró kơpong ki mê [ă hiăng xôh pơkeăng kơdê pơreăng, mơdât pơreăng tâ tú, séa ngăn, mơnhên xiâm kối tâ tú ing tíu lâi’’.

Kơ-ôk A H1N1 cho môi túa pơreăng ‘na troăng hiâm a chu xua virus kơ-ôk pro. Pơreăng kố mơni kô tâ tú ing troăng hiâm lơ ing tơdroăng ki ối a chê, tơpui tơno ga hơte\ng dêi pó mê hnối chiâng pơreăng. Khu ngăn pơkeăng [ă khăm pơlât Dak Nông hnê tối, kuăn pơlê kal tơtro\ng [ă pơreăng kơ-ôk A H1N1 la pôi tá tô tuăn, xâu to lâi ôh, malối [ă mâu ngế ki tâ tơngê tiah hmâ.

Krê mâu ngế ki tơngê hmân, hlo ôh tá tơniăn ‘na ivá kal re\ng troh a mâu tíu khăm pơlât vâ re\ng ‘nâi nhên pơreăng.

            Hoàng Qui chêh

Katarina Nga tơplôu [ă tơbleăng