VOV4.Sêdang - Vâ mơdêk ki tơƀrê tung pơla mơjiâng thôn pơlê nếo, nôkố, 22 to cheăm hiăng châ mơnhên tối thôn pơlê nếo dêi kong pơlê Dak Nông xuân tơbleăng mơjiâng sap ing 2-4 túa kơdrum, chiâk tơngi klêng. Tơdroăng ki pêi pro tung mơjiâng pro kơdrum mơnúa hdrối, chêk ki mơnúa hdrối cho tiô troăng hnê pêi chiâk krúa ƀă tơdroăng pơkâ mơnhông mơdêk pêi chiâk deăng pêi lo tơmeăm krúa, krá tơniăn ton.

Tơdroăng tơbleăng túa mơnúa pro kơdrum, mơnuá pro chêk châ pêi tro tiô khoa hok, ing ‘nâi troh a ‘ngêi. Hdrối vâ pêi túa mơnuá mê, mâu tơring cheăm chôa pêi pro kơjo mâu kăn kơdrum chiâk pê klêi “Khu tơdroăng pơkâ mơnuá pro kơdrum hdrối’’, mê cho 5 tơdroăng pơkâ. Malối, rak tơniăn tơdroăng pơkâ ing kơdrum pêi lo kế kâ krúa”, mâu rơpŏng kuăn pơlê xuân hbrâ pêi pro “4 tơdroăng ôh” tung pêt mê cho ôh tá rơvât phon hoă hok ƀă phon ki drêh ki hâi mơ-ŭm, ôh tá hơ’leh gen ƀă “4 ôh” tung păn mơnăn ôh tá ai pơkeăng kháng sinh, oh tá ai trếo mơdât, oh tá ai trếo ki pro ăm rĕng kân, ôh tá păn kroăng, ôh tá hơ’leh gen.

Gương tơplôu ƀă tơbleăng