VOV4.Sedang - Hâi lơ 20/5, a ilâng kiâ mố đô̆i tơring Dak Rlâp, kong pơlê Dak Nông, Khu pơkuâ ngăn lêng kong pơlê, mâu mố đô̆i hơnăm hiăng krâ Trung đoân 271 rơtế ƀă kăn teăng mâ péa tơring Dak Rlâp ƀă Tuy Đức hiăng tơkŭm ‘mế 9 to kơxêng kiâ mố đô̆i. Klêi kơ’nâi 3 hâi, Khu pơkuâ ngăn lêng kong pơlê Dak Nông, mâu mố đô̆i hơnăm hiăng krâ rơtế ƀă Khu pơkuâ tơring Tuy Đức hiăng tí tăng ƀă tơkŭm châ 9 to kơxêng kiâ mố đô̆i a thôn 8, cheăm Quảng Tân, tơring Tuy Đức.

Mâu mố đô̆i hơnăm hiăng krâ chôu nhăng tơbâ mâu vâi pú ki hiăng hlâ

Tung mê, 3 kơxêng, mâu tơnâp ki ê bu ối to kế tơmeăm môi tiah: Mơđong, kơxái vâ tơbleăng tơdroăng kal, kung kếo bixilin, uâng nhôm ƀă hên ki ê. Mâu hlá mơéa ki ‘măn chôu ăm hlo mâu lêng ki kố ối tung Trung đoân 271 ƀă Trung đoân 205 Khu xiâm pơkuâ ngăn lêng Miền Đông Nam Bộ. Kố cho rôh lăm tăng, tơkŭm rôh má 4 a kơpong thôn 8, cheăm Quảng Tân ƀă hiăng tăng hlo 29 to kơxêng kiâ mố đô̆i.

A rôh leh, kăn pơkuâ kong pơlê, khu lêng kring vế ƀă kuăn pơlê 2 tơring Dak Rlâp ƀă Tuy Đức hiăng pleăng reăng, tâp nhâng tơbâ hnoăng dêi mâu mố đô̆i ki hiăng hlâ.