VOV4.Sêdang - Hâi lơ 19/3, a pơlê kong kơdrâm Gia Nghĩa, Viƀan kong pơlê Dak Nông tơrŭm ƀă Khu pơkuâ Đoân droh rơtăm tơkŭm po Leh mơhnhôk Tởdoăng pêt 1 rơtal xiâm loăng. Ƀă dó inâi, đoân viên, droh rơtăm ƀă kuăn pơlê a pơlê kong kởdâm Gia Nghĩa veăng mơhnhôk.

Lối 300 xiâm loăng hiăng châ rêm ngế veăng pêt

 Klêi kơ’nâi leh mơhnhôk, lối 300 xiâm loăng sao prăng hiăng châ rêm ngế tơdjuôm íva pêt a mâu troăng kân ối tung kơpong vêh xĕn ối Dak Nur B, bêng Nghĩa Trung, pơlê kong kơdrâm Gia Nghĩa. Pôa Lê Trọng Yên, Phŏ hnê ngăn Viƀan kong pơlê Dak Nông tối ăm ‘nâi, tởdoăng pêt loăng dêi kong pơlê kô pơtối thăm mơnhông, mơhnhôk hên khu ngế pơlê pơla veăng pêt.

Sa Ly tơplôu ƀă tơbleăng