VOV4.Sêdang - Leh mơhnhôk “Rơtế ƀă vâi kơdrâi a tíu tơkăng kong” pơla hơnăm 2021-2025 châ Khu ngăn vâi kơdrâi kong pơlê Dak Nông ƀă Khu pơkuâ ngăn Mố đô̆i gak tơkăng kong dêi kong pơlê tơrŭm ƀă hlối tơkŭm po a kơxo lơ 31/3, a cheăm Thuận Hạnh, tơring Dak Song. Pêi pro tơdroăng mê tung pơla hơnăm 2018-2020, Khu ngăn vâi kơdrâi kong pơlê ƀă Khu pơkuâ ngăn Mố đô̆i gak tơkăng kong dêi kong pơlê hiăng tơbleăng hên tơdroăng cheăng rak ngăn ivá, rêh ối ăm pơlê pơla, kơjo kum kơdroh kơklêa, xăm kơtiê, mơnhông cheăng kâ ăm vâi kơdrâi hdroâng kuăn ngo kơpong tơkăng kong.

Mâu tíu pêi heăng hiăng châ tơrŭm tơkŭm po 30 hâi pơ-eăng tối ‘na hnê ‘na luât; xo veăng kum ƀă pêi tơdroăng “Kum o prôk troh a hngêi trung”... Tơpui a rôh leh, jâ H’Vi Êban, Kăn hnê ngăn Khu vâi kơdrâi Việt Nam kong pơlê Dak Nông krếo tâi tâng mâu kăn ƀô̆, mố đô̆i, mâu ngế, khu vâi kơdrâi pơtối rak vế pêi pro tơdroăng mơjiâng mâu tuá pro hngêi krá tơniăn ăm vâi kơdrâi kơtiê a mâu cheăm tơkăng kong.

Gương tơplôu ƀă tơbleăng