VOV4.Sêdang -  Hâi lơ 18/3, a Rôh hôp mơgêi, Hô̆i đong Hnê ngăn kong pơlê Dak Nông hiăng séa ngăn ăm rơkong veăng tơpui tối pơkâ ƀă 9 to hlá mơéa tối tơbleăng, hlá mơéa pơtroh, tơdroăng tơkêa ki kal. Tung mê, ai tơdroăng pơkâ ‘na mơjiâng Ƀơrô cheăng Khu kăn Kuô̆k hô̆i ƀă Hô̆i đong hnê ngăn kong pơlê Dak Nông tung tơdroăng ki môi tuăn ƀă 2 tíu pêi cheăng Ƀơrô cheăng Khu kăn Kuô̆k hô̆i ƀă Ƀơrô cheăng Hô̆i đong hnê ngăn kong pơlê.

Hneăng hôp mơgêi Hô̆i đông hnê ngăn kong pơlê

A rôh hôp, mâu kăn hiăng tơbleăng hlá mơéa pơtroh dêi Vi ƀan hnê ngăn kong pơlê ‘na tơdroăng ki ôh tá pơtê ƀă 2 ngế cheăng tung Vi ƀan hnê ngăn kong pơlê cho pôa Nguyễn Tấn Bi, kăn pơkuâ Khu rak liăn ƀă pôa Trần Văn Nam, kăn pơkuâ Khu pơtâng tối tơdroăng kal tiô troăng hyôh um tơvi, rơ’jiu hơ’lêh hơ’lêh pêi cheăng a tíu ê. Tơdrêng a mê hnối tâ phĭu pôk tơ’nôm 2 ngế kăn cheăng tung Vi ƀan hnê ngăn kong pơlê ƀă pôa Hoàng Văn Thuần, kăn pơkuâ Khu rak liăn ngân ƀă pôa Nguyễn Văn Hiệp, kăn pơkuâ kế tơmeăm tung têa, a tơnêi  ƀă hyôh kong prâi.

Nga tơplôu ƀă tơbleăng