Pôa Vũ Văn Thu, ối a thôn 2, cheăm Dak Nia, pơlê kong krâm Gia Nghĩa cho ngế ki hmâ pêi cheăng ton hơnăm tung tơdroăng pêt kơphế [ă tiu. Nôkố pôa dế pêi 2 ha kơphế [ă 1 ha tiu châ xo dâng 300 rơtuh liăn rêm hơnăm.

Maluâ tiah mê, drêng ‘nâi Ko\ng ti veăng tơlo liăn Solavina 9 Hà Nội pơkâ djâ mơdêk pêt pơkeăng a kong pơlê Dak Nông tiô tơdroăng tơkêa bro dêi Ngế pro xiâm hnê ngăn Chin phuh, pôa Thu hiăng tơpui tơno [ă Khu pêi cheăng dêi Ko\ng ti kố a Dak Nông vâ tí tăng ‘nâi ple\ng tơdroăng [ă pơkâ tơtro tung tơdroăng pêt sâm đương quy.

Tung tơdroăng pơkâ mơnhông mơdêk pêt pơkeăng dêi Ko\ng ti veăng tơlo liăn Solavina tối nhên: Ko\ng ti kô tăng kơpong tơnêi ki le\m hơpok vâ pêt tơchuâm [ă kuăn pơlê tiô tơdroăng veăng kơjo kum ăm hdrê, phon [ă hnê kih thuât pêt.

Klêi hiăng lâk xo pôm sâm ah, Ko\ng ti kô rôe tâi pôm sâm dêi kuăn pơlê. Nôkố pôa Vũ Văn Thu dế pêt 1 ha sâm đương quy. Kơdrum loăng sap ing hâi ki pêt hiăng 2 khế kố dế hlo xông dâi le\m. Pôa Vũ Văn Thu, ăm ‘nâi:

‘’Má môi, ngăn a tơdroăng tí tăng ‘nâi ple\ng dêi mâu khu cheăng khoa hok; má péa, cho xúa a tơdroăng tơkêa bro dêi Chin phuh; má pái, ‘na kong prâi, [ă hyôh kong prâi, tơnêi tơníu a Dak Nông, tung pơla tơmiât vâ pêi dêi khu mơdró pêt loăng pơkeăng, mê a hlo pêt pơkeăng châ xo liăn hên tâ mâu hdrê loăng ki ê. Ki tơ’lêi akố môi hơnăm bú lâk xo môi hdroh tê, tâi tâng kơxo# liăn ‘no ai 190 rơtuh liăn, tâi tâng kơxo#  liăn pêi lo 420 rơtuh liăn. Tiah mê tung 12 khế ngin châ xo dêi tơkâ lối 200 rơtuh liăn’’.

Pôa Nguyễn Đức Cường, Kăn pơkuâ Ko\ng ti veăng tơlo liăn Solavina ki ai tíu pêi cheăng a Dak Nông ăm ‘nâi, tiô pơkâ kơxo# 176 dêi Chin phuh ‘na mơdêk pêt pơkeăng, Ko\ng ti ‘no liăn rôe ăm hdrê, phon rơvât, hnê kih thuât ăm kuăn pơlê ki pêi chiâk pêi deăng [ă hnối rôe tơmeăm kuăn pơlê pêi lo.

Tiô pơkâ la ngiâ kô mơdêk ko\ng ti tơru\m [ă 4 khu, tá Tơnêi têa - khu cheăng khoa hok - Khu ngăn ‘na chiâk deăng [ă khu mơdró.

 Tung hơnăm kố, Ko\ng ti veăng tơlo liăn Solavina hiăng mơdâ lối 1 rơtuh xiâm hdrê pơkeăng đương quy vâ pêt a pơlê kong krâm Gia Nghĩa.

Tiô mâu kơ koan ki pêi ‘na tơdroăng cheăng kố tối, nôkố tung lâp tơnêi têa dế ối lối 70% tơmeăm vâ pro pơkeăng, tung mê, ki hên pá vâ châ séa ngăn hôm le\m krúa lơ ôh ‘na xiâm hdrê ki pêt. Xua mê, khu mơdró hiăng pơkâ tơdroăng to\ng kum ‘no liăn pêt pơkeăng a Việt Nam gá khá kơnâ ai pơxúa hên, ki mơngế pêi cheăng châ xo kơxo# liăn tơxâng [ă ívá tơná pêi, tơniăn ăm kuăn pơlê ki pêi chiâk deăng [ă khu mơdró.

 Ing mê, ai kế tơmeăm ki vâ pro pơkeăng ăm mâu tíu ki têng, uâ pro tung tơnêi têa, djâ troh kuăn pơlê ki xúa mâu tơmeăm ki le\m, tơniăn krúa. Pôa Nguyễn Đức Cường ăm ‘nâi:

‘’Klêi séa ngăn [ă tối dêi Vie#n ngăn pro pơkeăng xuân môi tiah mâu kih sư ngăn ‘na pêi chiâk deăng, ngin hlo tơnêi tơníu [ă hyôh kong prâi a kong pơlê Dak Nông tơtro [ă tơdroăng pêt mâu hdrê liăng tiô tơkêa bro mơnhông mơdêk tơmeăm vâ pro pơkeăng dêi Chin phuh. Xua mê, ngin púi vâ mâu kăn [ă kuăn pơlê vâ môi tuăn [ă pơkâ vâ mơnhông mơdêk pơkâ troăng hơlâ ‘na pêt loăng pro pơkeăng Việt. Hơnăm kố, ngin pơkâ troăng hơlâ mơnhông mơdêk pêt sâm đương quy, cho loăng ki tơtro má môi a Dak Nông’’.

Pôa Lê Quang Dần, Kăn pho\ pơkuâ ngăn ‘na pêi chiâk deăng [ă mơnhông mơdêk thôn pơlê dêi kong pơlê Dak Nông ăm ‘nâi, klê tí tăng ngăn, kong pơlê Dak Nông ai ki rơdêi vâ mơnhông mơdêk pêt lối 20 túa hdrê loăng ki vâ pro pơkeăng.

Vâ mơnhông mơdêk loăng pêt pro pơkeăng krá ton xo\n, tung la ngiâ, kong pơlê Dak Nông kô pơkâ kơpong pêt pơkeăng, hnối tơku\m po lâm hnê ăm kuăn pơlê ‘na kih thuât pêt, krí, lâk [ă rak ‘măn tơmeăm ki mê.

Kong pơlê xuân re\ng pơkâ troăng hơlâ vâ mơnhông mơdêk tơmeăm pêt pro pơkeăng kơnía, pro tơ’lêi hlâu ăm kuăn pơlê châ xo tơ’mot kơxo# liăn pêi lo vâ hơ’lêh tơdroăng rak ngăn ivá mo le\m, mơdêk châ xo tơ’mot kơxo# liăn ăm kong pơlê. Pôa Lê Quang Dần, tối:

‘’Dak Nông cho môi tung mâu tíu ki ai hên tơmeăm khoăng, ki tơ’lêi hlâu vâ mơnhông mơdêk pêt loăng pro pơkeăng, tơtro [ă troăng hơlâ [ă tơdroăng hnê mơhno dêi Ngế pro xiâm hnê ngăn Chin phuh. Tơdroăng mơdêk pêt loăng pro pơkeăng cho môi troăng hơlâ pêi pro tro vâ kum mơnhông mơdêk krá ton xo\n, xua mê cho loăng pro pơkeăng ki rơtế vâ [ă kong ki chiâng xêh. Xua mê troăng hơlâ dêi kơvâ pêi chiâk deăng xuân tơru\m [ă kơvâ ngăn pơkeăng, kô po rơdâ mâu túa, mâu hdrê pơkeăng tung kong pơlê.

Hoàng Qui chêh

Gương tơplôu [ă tơleăng