VOV4.Sedang - Tiô khu ngăn pơkeăng ƀă khăm pơlât kong pơlê Dak Nông, troh nôkố, mâu tơring, cheăm hiăng pêi klêi tơdroăng pâk vaccine hbrâ mơdât pơreăng COVID-19 rôh má 1. Rôh má 1 a kong pơlê Dak Nông châ Khu xiâm ngăn pơkeăng xing xoăng lối 9 rơpâu klŏng vaccine hbrâ mơdât COVID-19.

Vâ tơdroăng ki pâk vaccine châ tơƀrê, kơvâ ngăn pơkeăng ƀă khăm pơlât kong pơlê Dak Nông tơkŭm pâk a 8 tíu, cho: Hngêi pơkeăng kân kong pơlê ƀă 7 to tíu xiâm ngăn pơkeăng mâu tơring ki u ối.

Pâk vaccine a Dak Nông

Mâu ngế ki châ kơjo pâk rôh kố cho: kăn ƀô̆, mâu ngế cheăng ‘na khăm pơlât, mâu ngế cheăng tung Khu hnê mơhno cheăng, mâu cheăng a tíu xiâm ‘na hbrâ mơdât pơreăng ƀă hên ki ê tiô tơdroăng pơkâ 21 dêi Chin phuh. Khu ngăn pơkeăng ƀă khăm pơlât kong pơlê Dak Nông ăm’nâi, lâp kong pơlê hiăng ai lối 10- 20 ngế châ pâk trum má 1 vaccine hbrâ mơdât COVID-19.

Klêi kơ’nâi pâk ai lối 1.700 ngế tơngê, thĕn, châi a tíu ki pâk, lo hêa ƀă ôh tá ai ngế ki lâi hlo kơdrâ ing pâk vaccine. Nôkố, ivá dêi mâu ngế ki pâk mê pơrá  tơniăn.

Katarina Nga tơplôu ƀă tơbleăng