VOV4.Sêdang -  Hâi lơ 21/4, Vi ƀan tâ phĭu kong pơlê Dak Nông hiăng tơkŭm po roh hôp roh má 3 vâ mơnhên tơdroăng hbrâ tâ phĭu rah xo kăn teăng mâ Kuô̆k hô̆i hneăng má XV ƀă kăn teăng mâ Hô̆i đong kuăn pơlê mâu râ, hneăng hơnăm 2021 – 2026. Tiô Vi ƀan tâ phĭu kong pơlê Dak Nông troh nôkố mâu tơring hiăng pêi pro tơdroăng tâ phĭu tro tiô pơkâ dêi luât.

Măt trâ̆n tơnêi têa mâu râ hiăng tơkŭm po hneăng hôp tơpui tơno roh má 3, chêh inâi mâu ngế tơbriât to pro kăn tiô pơkâ. Tiô  tơdroăng tơpui tơno, lâp kong pơlê ai 10 ngế tơbriât to pro kăn teăng mâ Kuô̆k hô̆i hneăng má XV; Hô̆i đong kuăn pơlê râ kong pơlê ai 88 ngế tơbriât to pro; Hô̆i đong kuăn pơlê râ tơring ai 452 ngế tơbriât to pro kăn; Hô̆i đong râ cheăm 2.960 ngế. 680 tôh tâ phĭu tung kong pơlê hiăng pêi pro tơdroăng chêh inâi mâu ngế tâ phĭu a mâu kơpong tâ phĭu ƀă tâi tâng 410.659 ngế.

Tíu roh hôp

A hneăng hôp, Vi ƀan tâ phĭu kong pơlê Dak Nông hiăng môi tuăn inâi mâu ngế tơbriât to pro kăn teăng mâ Kuô̆k hô̆i hneăng má XV ƀă kăn teăng mâ Hô̆i đong kong pơlê hneăng hơnăm 2021 – 2026 vâ xing xoăng troh mâu tíu tâ phĭu.

A Sa Ly tơplôu ƀă tơbleăng