VOV4.Sêadng - Tiô Vi ƀan Măt trâ̆n kong pơlê Dak Nông, troh tâi hâi lơ 12/4, mâu tơring hiăng pêi kêi đeăng tơdroăng tơmâng xo rơkong tơpui dêi kuăn pơlê tíu rêh ối ƀă mâu ngế tơbriât to pro kăn teăng mâ Kuô̆k hô̆i hneăng má XV ƀă kăn teăng mâ Hô̆i đong kuăn pơlê mâu râ, hneăng hơnăm 2021 – 2026.

Tiô  tơdroăng châ tơƀrê dêi Vi ƀan Măt trâ̆n mâu tơring, pơlê kong kơdrâm, 11 ngế tơbriât to pro kăn Kuô̆k hô̆i hneăng má XV, 96 ngế tơbriât to pro kăn Hô̆i đong kuăn pơlê kong pơlê hneăng má IV ƀă mâu ngế tơbriât to pro kăn Hô̆i đong kuăn pơlê mâu râ hneăng hơnăm 2021 – 2026 a kong pơlê Dak Nông pơrá tơdah châ 100% tơdroăng loi tơngah dêi kuăn pơlê tíu rêh ối.

Mâu pa-nô pơtâng tối tâ phĭu rah xo kăn a kong pơlê Dak Nông

Mâu roh tơmâng xo rơkong tơpui, loi tơngah dêi kuăn pơlê tíu rêh ối hiăng tơkŭm po kơdrâm phiu ro, kuăn pơlê pơkuâ dêi hnoăng cheăng, tơbleăng tơdrăng, tơniăn pơkâ, tro tiô pơkâ.  Nôkố, mâu tơring, bêng, cheăm tung lâp kong pơlê dế tơkŭm po chêh ƀă tĕm mơ-éa inâi,  tơdroăng rêh ối pêi cheăng mâu ngế tơbriât to pro kăn a mâu tíu pêi cheăng ƀă mâu kơpong tâ phĭu.

A Sa Ly tơplôu ƀă tơbleăng