VOV4.Sêdang - Khu pơkuâ ngăn pơkeăng ƀă khăm pơlât kong pơlê Dak Nông tơbleăng tối, Khu xiâm ngăn pơkeăng ƀă khăm pơlât hiăng tơbleăng pơkâ ‘na tơdroăng xing xoăng vaccine hbrâ mơdât COVID 19 roh má 3; tung mê, kong pơlê Dak Nông châ xing xoăng 12 rơpâu klŏng pơkeăng vaccine. Khu xiâm ngăn pơkeăng ƀă khăm pơlât pơkâ mâu kong pơlê, tíu cheăng hbrâ tơdrêng pơkâ pâk vaccine hbrâ mơdât COVID 19 roh 3, séa ngăn tâi tâng mâu tíu tơkŭm po pâk vaccine tung kong pơlê, tung mê, po rơdâ mơngế pâk, ƀă troăng pâk troh alâi tơniăn troh amê, tơniăn pâk lâp lu.

Dak Nông hiăng pâk lối 10 rơpâu klŏng vaccine COVID 19

Hdrối mê, Dak Nông hiăng kêi đeăng tơdroăng pâk vaccine hbrâ mơdât COVID 19 ăm lối 10 rơpâu ngế ối tung mâu khu ki kơjo má môi a 8 tơring, pơlê kong kơdrâm, châ lối 102% tâng pơchông ƀă pơkâ.

A Sa Ly tơplôu ƀă tơbleăng