VOV4.Sêdang - Dế tung pơla kong tô khăng khoăng ó, kơxô̆ on tơhrik xúa rêm hâi tung lâp kong pơlê Dak Nông tâk vâ châ péa xôh tâng pơchông hâi tiah hmâ, châ troh 2 rơtuh kWh ƀă xúa on tơhrik lối 100MW. Tơniăn ăm tơdroăng mơ’no on tơhrik tơniăn, đi đo, Kŏng ti on tơhrik Dak Nông hiăng hnê mơhno mâu tíu cheăng gak pêi cheăng plâ hâi plâ măng, pơtroh tơ’nôm mơngế pêi cheăng a mâu tíu tơ’lêi tơ’nhê.

Dak Nông rak tơniăn on tơhrik drêng rơnó kong tô khăng khoăng

Tơdrêng amê thăm rơnêu, pơ’lêh ivá on tơhrik mâu kơmăi klâ xoăng on tơhrik, troăng kơxái hă thê̆ a mâu kơpong kuăn pơlê rêh ối; văng nhâ loăng drô troăng kơxái on tơhrik, krâ automat nếo ƀă hiá hé hbrâ mơdât ôh tá ăm ai tơdroăng ki on tơhrik lối hên mâu troăng kơxái on tơhrik. Mâu tơring hbrâ pêi pro mâu troăng tơniăn on tơhrik a mâu troăng kơxái on tơhrik, mơ’no tơniăn mâu kơmăi klâ xoăng on tơhrik 110 kV, mâu hngêi kơmăi on tơhrik kŭn hbrâ pơ’lêh troăng xing xoăng on tơhrik tiô mâu troăng kơxái trung ăp troăng tơdjêp dêi pó.

Pakĭng mê, On tơhrik Dak Nông xuân pơchân kuăn pơlê kal pêi pro mâu troăng kơdĭng on tơhrik môi tiah: tơpâ mâu kơmăi kơmok drêng ôh tá xúa, kơdroh xúa ki pê hngíu.

A Sa Ly tơplôu ƀă tơbleăng