VOV4.Sêdang - Pơla hdrối kố nah, khu ngăn on tơhrik Dak Nông hiăng rĕng ‘mâi rơnêu 2 tíu tơ’nhiê dêi troăng kơxái on tơhrik Dak Nông, vâ rak tơniăn ‘na mơ’no on ăm kuăn pơlê. Mê a kơhâi dế lơ 10/5, môi rôh jâ kơdo rơvê hiăng pro tơtêa kuâ hngêi dêi kuăn pơlê ƀă tơđôu trăng on tơhrik, pro tơpâ on tơhrik tung cheăm Nhân Đaọ, tơring, Dak Rlâp.

Rơxế kân pro kơtê troăng kơxái on tơhrik a Dak Song

Tâng tối, kŏng nhân cheăng ‘na on tơhrik Dak Rlâp hiăng ăm rơxế klêi ngi ‘ngêi ƀă mâu tơdroăng troh amê vâ ‘mâi rơnêu, vâ ai on tơhrik mơ’no ăm kuăn pơlê a 3 chôu kơxêi hâi ki mê. Hdrối mê, 10h hâi lơ 4/5, a troăng hơlâ pơla tơring Dak Song ƀă Tuy Đức, môi toăng rơxế kân chơ tơmeăm lối hên hiăng tro kreăng a kơxái on tơhrik ki kân pro kơtê, tơđôu trăng on tơhrik ki kân T70. Tơdroăng mê pro chiâng tơpâ on tơhrik ki mơ’no ăm lối 5 rơpâu 200 ngế.

Xua mê, Khu ngăn ‘na on tơhrik Dak Song thế tơkŭm mâu ngế, rơxế vâ rĕng ‘mâi rơnêu. Troh 1 chôu kong xê hâi ki mê, kŏng nhân cheăng ’na on tơhrik hiăng rĕng ‘mâi rơnêu. Troh 1h kơxê hâi ki mê, kŏng nhân on tơhrik hiăng teăm ‘mâi rơnêu vâ ai on tơhrik mơ’no ăm kuăn pơlê.

Gương tơplôu ƀă tơbleăng