VOV4.Sêdang - Hâi lơ 28/4, Đăi tă Nguyễn Văn Lư, Ngế pơkuâ xiâm Mố đô̆i gak tơkăng kong dêi kong pơlê Dak Nông ăm ‘nâi, Đông mố đô̆i gak tơkăng kong Dak Tiên, tơring Dak Song nếo châ rup 2 ngế ki tơkâ luâ tơkăng kong hmâng vâ pơla Việt Nam - Kul. Dâng 10 chôu hâi lơ 27/4, a tơneăn hdró tơkăng 52/3, tung pơla lăm séa ngăn kơpong tơkăng kong, mâu lêng Đông tơkăng kong Dak Tiên châ hlo 2 ngế, mê cho: Lê Văn Biều ƀă Lê Sơn Điền rơtế ai inâi rơpŏng hngêi a cheăm Thuận Hạnh, tơring Dak Song dế vâ tơkâ luâ tíu tơkăng kong vâ lăm lúa kuăn kiâ kong.

Péa ngế ki tơkâ luâ kong têa ê hmâng vâ tro rup

Mố đô̆i gak tơkăng kong hiăng pro hlá mơ-eá ƀă pơcháu prếi ăm Hngêi pơkeăng tơring Dak Song ăm klâ krê 14 hâi tiô pơkâ, hlối tối ăm kŏng an tơring Dak Song tơleăng mơnhên tro tiô luât.

Gương tơplôu ƀă tơbleăng