VOV4.Sêdang - Kơxohâi lơ 3/8, kong pơlê Đắk Nông tối ai tơ’nôm 7 ngế yương tính ƀă virus SARS-CoV-2. Tung mê ai 6 ngế cho mâu kŏng nhân vêh ing kơpong ai pơreăng a peăng Hdroh, 1 ngế cho F1 dêi ngế kơdrâi H.L.T, kot mâ hơnăm 2004, ối a tơring Dak Glong lo ing Pơlê kong kân Hồ Chí Minh. Tâi tâng mâu ngế ki mê hiăng klâ krê klêi lo ing kơpong ai pơreăng vêh. Klêi ăm ‘nâi yương tĭnh ƀă SARS- CoV-2, kơvâ ngăn pơkeăng rơtế ƀă mâu khu râ pơkuâ cheăng hiăng pơtroh ngế ki tâ pơreăng ăm ối a kơpong klâ krê dêi kong pơlê.

Dak Nông tâi tâng mâu tơring, pơlê kong kơdrâm xuân hiăng ai ngế tâ tú COVID-19

Kơvâ ngăn pơkeăng hiăng rĕng tăng 25 ngế F1 ki achê ƀă dế thâ pơlât séa ngăn hâi gá prôk lăm, ‘na xiâm ki tâ tú ƀă a mâu tíu ki gá prôk, ga troh, ối tung pơla 14 hâi hdrối mê. Troh nôkố, kong pơlê Dak Nông hiăng tối ai 96 ngế tâ tú COVID-19 a tâi tâng mâu tơring, pơlê kong kơdrâm dêi kong pơlê. Tung mê ai 3 ngế hiăng pơlât prêi, lo ing hngêi pơkeăng.

Gương tơplôu ƀă tơbleăng