VOV4.Sêdang - Hên hơnăm kố, kuăn pơlê thôn Trung Hòa, cheăm Dak Gằn, tơring Dak Mil, kong pơlê Dak Nông athế rêh ối tung tơnêi tíu kong prâi ki xú ‘mêi sap ing hnôu ki ‘măn tơmeăm dêi Ko\ng ti pêi cheăng tiô rơnó Tê mơdró [ă mơjiâng pro pơkeăng Thái Phú Nông, khe#n cho ko\ng ti Thái Phú Nông. Achê kố, ko\ng ti kố ối chôu xok ki hvât hmâng vâ ing mâu kơng kếo trếo pơkeăng tung kơpong ki kuăn pơlê rêh ối, pro kuăn pơlê xâu rơ-iêu tôu tuăn. Ki rơhêng vâ tối a kố, kuăn pơlê hiăng hên hdroh pơtroh đơn pâ thế ‘na tơdroăng ki xú ‘mêi kố la ôh tá châ khu kăn pơkuâ [ă kơ koan ki ai tơdjâk tơleăng. Thế Thắng, ngế chêh hla tơbeăng cheăng tung Rơ’jiu Việt Nam a Tây Nguyên ai chêh tối tơdroăng mê.

Têa ‘mêi dêi Ko\ng ti Thái Phú Nông hriêm lo troh a tơnêi dêi ngoh Trịnh Văn Tuấn

Klêi kơ’nâi kong mêi kân, xếo krúa tơnêi, laga xuân ối xú u\m, xú pơkeăng kơdê oâ hdrong. Ngoh Nguyễn Đình Thìn tô tuăn: Tung pơla kố nah, rơpo\ng đi đo rêh ối tung xú u\m môi tiah xú châ kuăn kiâ kong hlâ u\m. Hên kơmăng rơpo\ng hngêi ôh tá châ koi xua ôh tá kâi hiêm, châi ko, tơdroăng rêh ối ôh tá tơniăn: Tung hnôu ai trếo ki klâi ôh tá ‘nâi, laga xú u\m ‘nâng. Hngêi á ối achê má môi, hên xôh kuăn ối ku\n, mơngế krâ ôh tá chiâng koi pơtê plâ hâi plâ măng xua xú u\m păng ‘nâng, ôh tá kâi ối. Ki xú u\m tơdjâk troh hên tơdroăng rêh ối dêi kuăn pơlê.

Ko\ng ti Thái Phú Nông ăm kuăn pơlê chôu sok pá kong kơpong hnôu mơjiâng pro pơkeăng kơdê oâ hdrong, rak vế hdrê kơchâi plâi pôm

Nếo achê pơla kố, kơmăng hâi lơ 2 khế 7 hơnăm 2015 kuăn pơlê châ hlo mơngế dêi ko\ng ti kố chôu kung kếo pơkeăng tung tơnêi poâ Tuấn, hiăng tơbleăng ăm khu râ kăn pơkuâ [a\ kơ koan ko\ng an pro mơ-éa. Poâ Trịnh Văn Tuấn tô tuăn: Roê tơnêi laga ôh tá khên mơjiâng pro hngêi, xua xâu tro tâ pơrea\ng xua tơnêi tro ‘mêi, tê tơnêi xuân ôh tá ai kơbố khên roê, pêt loăng plâi mê loăng plâi hlâ: Tơnêi kố nôkố tê ôh tá ai kơbố roê, vâi tối akố achê hnôu ‘măn pơkeăng kơdê oâ hdrong, xua mê ôh tá ai kơbố khên roê. Pêt pôm ôh tá chiâng. Ngin tơmiât roê a kố nah cho vâ mơjiâng pro hngêi rêh ối, laga nôkố hnôu mơjiâng pro pơkeăng oâ hdrong  môi tiah mê, thế xe\n ối a tíu ki ê, ối hngêi ki mung ối le\m tâ ối tíu ki môi tiah kố. Pâ thế khu râ kăn ki ai hnoăng xe\n hnôu pơkeăng vâ kuăn pơlê rêh ối, tơdjâk troh kuăn ‘ne\ng, ôu kâ rêh ối. Mơngế krâ gá chía tâ iâ, laga kuăn ‘ne\ng tro tâ pơrea\ng hơ-ui ‘nâng.

            Hnôu ki mơjiâng pro pơkeăng kơdê oâ hdrong, rak vế hdrê kơchâi plâi pôm dêi ko\ng ti Thái Phú Nông ối tung dế kơpong kuăn pơlê rêh ối, rơta tá châ mơjiâng kơnâng xo\n. Klêi kơ’nâi roh pôh kung kếo pơkeăng châ hlo a kơmăng hâi lơ 2 khế 7 kố nah, ngin hiăng tơpui [a\ poâ Nguyễn Thanh Tuấn, kăn pơkuâ ko\ng ti Thái Phú Nông vâ ‘nâi tơ’nôm. Klêi kơ’nâi tơpui phôn, poâ Tuấn ôh tá vâ pêi cheăng [a\ tối hnôu mơjiâng pro pơkeăng kơdê oâ hdrong kố lơ pro ‘mêi kong prâi lơ ôh hiăng ai kơ koan cheăng séa ngăn. {a\ poâ Nguyễn Ngọc Thắng, kăn pho\ pơkuâ ko\ng an cheăm Dak Gằn, tơring Dak Mil ăm ‘nâi, hên xôh kuăn pơlê tối ko\ng ti pro ‘mêi kong prâi, mơ’no sok, ko\ng ăn cheăm troh lăm pêi cheăng, laga ôh tá châ mot tung hnôu pơkeăng vâ séa ngăn: Ki nhên khât ngin xuân hlo Ko\ng ti Thái Phú Nông pêi cheăng tơ-ê, ôh tá rah mơngế tung cheăm pêi cheăng. Ngin mot séa ngăn, laga tơdah a kơbong tơdah tơmối, tung hngêi ki mơjiâng pro pơkeăng troh hiăng xú u\m. Ki nhên khât ngin ôh tá ‘nâi túa pêi cheăng môi tiah lâi, mơ’no têa lo alâi, ôh tá xê tơdroăng cheăng ngin. Tơdroăng pro ‘mêi kong prâi ngin ôh tá ‘nâi vâ séa ngăn tiah lâi.

            Poâ Phạm Đức Châu, Kăn hnê ngăn Vi[an cheăm Dak Gằn, tơring Dak Mil ăm ‘nâi, 3 hơnăm kố, khu râ kăn pơkuâ hiăng tơdah hên kơthô tối ‘na tơdroăng pro ‘mêi kong prâi rơtá tá hnô dêi ko\ng ti Thái Phú Nông, hiăng hên hdroh tơbleăng tơdroăng kố [a\ khu râ kơpêng [a\ ai mơ-éa pâ thế pơtroh kơ koan cheăng laga troh nôkố xuan tá hâi tơleăng kêi đeăng tơdroăng kố. Poâ Phạm Đức Châu, kăn hnê ngăn Vi[an cheăm Dak Gằn tối: Rêm xôh kuăn pơlê pơtroh đơn tối ‘na tơdroăng kố, mê pơlê tơbleăng ăm khu râ kăn kơpêng. ‘Na túa tơmiât pêi cheăng dêi pơlê, mâu kơ koan séa ngăn lăm séa ngăn a Ko\ng ti Thái Phú Nông kal re\ng mơnhên ăm kuăn pơlê ‘nâi tro ‘mêi lơ ôh, hôm pro ‘mêi kong prâi lơ ôh. {a\ ko\ng ti kố, pơla kố nah drêng pro mơ-éa pơkâ lăm a cheăm tơleăng tơdroăng, laga ôh tá vâ lăm troh a Vi[an, ôh tá vâ tơmâng tơdroăng pơkâ thế dêi kơ koan ko\ng an.

            Roh kuăn pơlê châ hlo Ko\ng ti Thái Phú Nông chôu sôk ki mơ’no lo pá kong hâi lơ 2 khế 7 nôkố dế châ {ơrô kan sat hbrâ mơdât mơngế xôi ‘na kong prâi PC49 Ko\ng an kong pơlê Dak Nông tơleăng. Drêng tơkôm tơdroăng séa ngăn, tơleăng ing mâu kơ koan cheăng, kuăn pơlê thôn Trung Hoà, cheăm Dak Gằn, tơring Dak Mil, kong pơlê Dak Nông xuân rêh ối tung kong prâi ôh tá krúa le\m xua hnôu ki mơjiâng pơkeăng dêi ko\ng ti Thái Phú Nông.

A Sa Ly tơplôu