VOV4.Sêdang - Kơxo lơ 17/3, Vi ƀan Măt trâ̆n Tơnêi têa Việt Nam kong pơlê Dak Nông tơkŭm po hneăng hôp ‘na kal kí – cheăng kâ roh má péa vâ môi tuăn inâi mâu ngế tơbriât to pro kăn teăng mâ Kuô̆k hô̆i hneăng má XV ƀă Hô̆i đong kuăn pơlê hneăng hơnăm 2021 – 2026. A hneăng hôp rah xo mơngế roh má 2, mâu kăn teăng mâ môi tuăn tơbleăng rah xo inâi, mơ-eá chêh tơdroăng rêh ối dêi mơngế tơbriât to pro kăn teăng mâ Kuô̆k hô̆i hneăng má XV ƀă kăn teăng mâ Hô̆i đong kong pơlê hneăng hơnăm 2021 – 2026.

Dak Nông tơkŭm po hneăng hôp ‘na rah mơngế to pro kăn roh má 2

Ƀă mơngế tơbriât to pro Hô̆i đong kong pơlê, hneăng hơnăm 2021 – 2026, hneăng hôp hiăng môi tuăn inâi dêi 96 ngế tơbriât to pro kăn (21 ngế hdroâng kuăn ngo, 3 tơdroăng tiô khôp, 10 ngế ôh tá ai Đảng, 36 ngế hơnăm ối nếo, 31 ngế vêh tơbriât).

A hneăng hôp Vi ƀan Măt trâ̆n Tơnêi têa kong pơlê Dak Nông xuân hiăng hnê mơhno Hneăng hôp trâm mâ kuăn pơlê a tíu rêh ối ƀă mơngế tơbriât to pro kăn teăng mâ Kuô̆k hô̆i ƀă kăn teăng mâ Hô̆i đong kong pơlê, hneăng hơnăm 2021 – 2026. Tiô pơkâ, tơdroăng tơkŭm po kô châ tơkŭm po sap ing hâi lơ 21/3 troh hâi lơ 13/4 la ngiâ.

A Sa Ly tơplôu ƀă tơbleăng