VOV4.Sêdang -  Hâi lơ 5/5, mâu tíu tâ phĭu tung kong pơlê Dak Nông tơkŭm po hneăng hôp trâm mâ kuăn pơlê mơhnhôk tâ phĭu ăm ngế tơbriât to pro kăn teăng mâ Kuô̆k hô̆i hneăng má XV ƀă kăn teăng mâ Hô̆i đong kuăn pơlê dêi kong pơlê hneăng hơnăm 2021 – 2026. Tiô tơbleăng inâi mâu ngế tơbriât to pro kăn, kong pơlê Dak Nông ai 10 ngế tơbriât to pro kăn teăng mâ Kuô̆k hô̆i hneăng má XV (tung mê, ai 2 ngế râ xiâm tơbleăng tơbriât to pro kăn) châ pơtroh pêi cheăng, tơbleăng ‘na mơhnhôk tơbriât to pro kăn a 2 tíu tâ phĭu.

88 ngế tơbriât to pro kăn teăng mâ Hô̆i đong kong pơlê hneăng IV, hneăng hơnăm 2021 – 2026 châ pơtroh, tơbleăng vâ mơhnhôk tơbriât to pro kăn a 14 tíu tâ phĭu. Mâu hneăng hôp trâm mâ kuăn pơlê ƀă ngế tơbriât to pro kăn teăng mâ Kuô̆k hô̆i hneăng má XV ƀă kăn teăng mâ Hô̆i đong kuăn pơlê mâu râ tung kong pơlê Dak Nông hneăng hơnăm 2021 – 2026 châ tơkŭm po sap hâi lơ 5/5 troh hâi lơ 12/5/2021.

A Sa Ly tơplôu ƀă tơbleăng