Pák^ng kơthau ‘măn têa xuân ối hlo mơ’nok, xú khêi nếo hrik ing kloh, jâ Tống Thị Nhất, ối a thôn 7, cheăm }ư\ Yang, tơring Ea Kar, tối: Têa kloh trâu 7 met, châ ‘măn hmốu ki vâ rak ăm têa mo\ng. Rôh têa kân a măng t^ng hdrối têa ‘mêi châ mot tung kloh, rơpo\ng jâ hiăng xúa tu\m mâu túa ki mơdât la xuân ôh tá kâi ‘na tơdroăng ki xú ‘mêi: 3 hâi kong mêi têa lân lu, rơpo\ng á mung 2 toăng kơmăi hrik, [ă 3 ngế rơtăm chu kui tah tâi trâp tung klôh, laga têa xuân ối mơ’noh [ă xú ‘mêi khât, ôh pá lo\n kâ hmê. Sap ing kong măng hnah troh hâi kố gá hiăng chía kơdroh ki ‘mêi la drêng pế têa mê gá tơku\m tá tơnêi ing hdro. Vâ ki ‘mêi pôi tá xông tung hdro xuân ôh ti chiâng, mê athế pâ têa sap ing mâu rơpo\ng ki ai tíu ‘măn têa ki ‘măn a ‘ngêi, xo vêh dâ tung vó kân vâ pế pơchên, têa ki kố bu ‘măn vâ hum tê. Tơpá khât yoh, xua ôh tá ai têa ing lâi ôh mê xuân athế xúa ‘nâi ti lâi nôkố.

Klêi kơ’nâi mê, rơpo\ng jâ Tống Thị Nhất, [ă vâi krâ nho\ng o thôn 7 hiăng châ mâu kăn [o# hngêi pơkeăng cheăm }ư\ Yang hbru ăm pơkeăng cloramin B [ă hnê mơhno nhên tơdroăng ki xúa têa ôu kâ hum roh. Tung rôh kong mêi, têa lân lu pơla hdrối kố nah cheăm }ư\ Yang ai 8 thôn [ă lối 1 rơpâu rơpo\ng tro têa lu. Thôn 15, thôn ki hơngế má môi dêi cheăm, [ă 65 rơpo\ng cho hdroâng kuăn ngo Nùng rêh ối a kơpong ki tơkăng tơring MDrak, tro têa lu. Tung pơla têa hiăng xiâ, kăn ngăn pơkeăng rơtế [ă kuăn pơlê hiăng pro mơgrúa le\m kong prâi tơnêi tíu vâ hbrâ mơdât pơreăng xông tâ tú. Pôa Nông Văn Sơn, kăn pơkuâ thôn 15, cheăm }ư\ Yang, tối ăm ‘nâi: Thôn 15 klêi kơ’nâi kong mê têa lân lu tơku\m vâi krâ nho\ng o mơgrúa le\m hyôh kong prâi, go#m văng xok tâ tá hngêi, xuân tối tơbleăng tơdroăng ki kơdê tri trôu, kiâ ngu nge\ng vâ hbrâ ví tơdroăng ki tâ pơreăng tơngê lo mơheăm. Má péa troăng prôk kố gá trâp hliâk khât ôh tá chiâng prôk lăm, mê athế tơku\m vâi krâ nho\ng o ‘mâi rơnêu. Nôkố, mâu vâi muăn lăm hriâm xuân ối pá khât, la thế choâ ‘lâng tơkôm kong tô môi péa hâi ăm gá khăng mê ah pơtối ‘mâi rơnêu nếo.

Kăn [o# cheăm }ư Yang hnê mơhno jâ Tống Thị Nhất xúa cloraminB mơgrúa têa ôu hum roh

A tơring Ea Kar pơla hdrối kố nah ai 10 tung 16 pơlê kân tro lu\p dêi kế tơmeăm xua kong mê, têa lân lu. Tung mê, ki hên má môi cho a 3 to cheăm }ư\ Yang, }ư\ Bông [ă Ea Ô ai troh 5 rơpâu rơpo\ng tro têa lu [ă 1 ngế hlâ. Kơvâ ngăn pơkeăng [ă khăm pơlât hiăng hbru ăm 250 kg pơkeăng Cloramin B [ă hnối hrik tah mâu têa ki ‘mêi ăm vâi krâ nho\ng o vâ ôu kâ, hum roh. ‘Na hnoăng cheăng hbrâ mơdât pơreăng, rak ngăn ivá châ chăn kuăn pơlê klêi kơ’nâi kong mêi, têa lân lu, {ok thái pơkeăng Gia Luy, Tíu xiâm ngăn pơkeăng tơring Ea Kar, ăm ‘nâi: Tíu xiâm ngăn pơkeăng pơkâ thế mâu hngêi pơkeăng cheăm gâk ngăn plâ hâi plâ măng, mơjiâng túa pơkâ séa ngăn hbrâ mơdât [ă mâu pơreăng xua kong mêi têa kân lân lu. A mâu thôn, pơlê ki tro têa lu mê athế hnê mơhno ăm vâi krâ nho\ng o xúa Cloramin B vâ kơdê hlâ mâu pơreăng ki ai tung mâu têa ôu kâ, hum roh rak tơniăn ivá. Má péa cho ai túa pơkâ hbrâ tơnáu vâ mơdât mâu pơreăng ki hmâ trâm klêi kơ’nâi kong mêi, têa lân lu môi tiah pơreăng châi mâ, châi hrê, pơreăng tơngê lo mơheăm, tơngê lo hbri hbríu, tơdrêng amê hnối tối tơbleăng tung rơ’jiu dêi pơlê, cheăm ăm kuăn pơlê ‘nâi ‘na mâu pơreăng, kal troh hngêi pơkeăng cheăm pơlât tâ pơreăng.

{ok thái pơkeăng Phạm Văn Lào, kăn pơkuâ Tíu xiâm hbrâ mơdât pơreăng kong pơlê Daklak, ăm ‘nâi, rôh kong mêi, têa lân lu pơla hdrối kố nah hiăng lu dâng 10 rơpâu to kloh têa ôu kâ hum roh dêi kuăn pơlê. Pák^ng tơdroăng ki hbrâ tu\m mâu pơkeăng, hnê mơhno ăm kuăn pơlê mơgrúa le\m hyôh kong prâi, kong pơlê hiăng hbru 600 kg Cloramin { ăm mâu hngêi pơkeăng cheăm kum vâi krâ nho\ng o pro mơgrúa dêi mâu têa klôh. Nôkố tá hâi hlo pơreăng tâ tú klêi kơ’nâi mêi, têa lân lu. Laga, pôi tá tơngôu, kơvâ ngăn pơkeăng [ă khu ki ai tơdjâk pơlê, cheăm rơtế [ă kuăn pơlê dế kơhnâ pêi pro mâu troăng hơlâ hbrâ mơdât pơreăng tâng lơ ai.

Katarina Nga tơplôu [ă tơbleăng