VOV4.Sêdang - Tơdroăng xúa trếo ki tro mơdât ôh tá ăm phêp xúa rơvât tung mơdrăn che\m mơnăn a mâu hơnăm achê pơla kố hiăng pro mơngế rôe xúa chiâng tô tuăn, pro ôh tá tơniăn ivá kuăn mơngế ki rôe kâ hơ’nêh mâm. Vâ kum mơngế păn mơnăn mơnuâ [ă tơ’lêi châ tê dêi mơnăn krúa, kum mơngế ki rôe xúa loi tơngah, khu ngăn ‘na păn mơnăn [ă ‘na pơlât mơnăn dêi kong pơlê Daklak dế tơru\m [ă mâu tơring cheăm hnê tối, mơhnhôk mâu rơpo\ng kuăn pơlê k^ tơhrâ pôi tá xúa trếo ki ôh tá ăm phêp xúa. Ngế chêh hlá tơbeăng ai chêh tối ‘na tơdroăng mê, pó vâi krâ nho\ng o kô tơmâng.

          Rơpo\ng pôa Phan Thanh Sang cho môi tung mâu rơpo\ng păn chu dêi kơpong ki păn chu rơdâ lối 80 ha tơnêi châ pơkâ păn a cheăm Hoà Thuận, pơlê kong kơdrâm Buôn Ma Thuột, kong pơlê Daklak. Pôa Sang ăm ‘nâi, tâi tâng mâu rơpo\ng păn mơnăn akố xuân tơrua\m păn [ă ko\ng ti veăng rơlo liăn păn mơnăn CP Việt Nam. Xua cho kơpong ki tơkuăm mê khoh tơ’lêi hlâu, ai ivá châ vâ pêi pro i nhên tơdroăng păn mơnăn, ing tơdroăng rah xo hdrê, mơdrăn che\m, troh tơdroăng pro mơgrúa kơdroăng păn, pâk pơkeăng hbrâ mơdât pơreăng tiô rơnó. Sap ing khế 6 hơnăm kố, rơpo\ng pôa Sang hiăng k^ tơhrâ [ă Khu ngăn [ă pơlât mơnăn pơlê kong kơdrâm {uôn Ma Thuột ‘na tơdroăng pôi tá xúa mâu trếo ‘mêi ki ôh tá ăm phêp rơvât tung mơdrăn che\m mơnăn: Pêi pro tiô tơdroăng tơhrâ ôh tá xúa mâu trếo ki tá ăm phêp ăm xúa tiô pơkâ, mê ki xiâm cho tê tâk, mơdrăn dêi ko\ng ti, pôi tá xúa mâu kế klâi ki ê. Păn che\m mâu chu ki hdrối cho ăm kâ tâk [ă ăm ôu têa krúa le\m. Thế châ mơnhên đi đo ‘na rak ngăn krúa rêm hâi.

          Troh nôkố, lối 400 tíu păn mơnăn dêi rơpo\ng hngêi hiăng châ pơlê kong kơdrâm {uôn Ma Thuột k^ tơhrâ ôh tá chiâng xúa mâu trếo ki tro mơdât tung păn mơnăn. Nâ Dương Thị Mỹ Trà, kăn ngăn ‘na păn mơnăn a cheăm Hoà Thuận tối, pak^ng k^ tơhrâ ôh tá xúa trếo ki tro mơdât, nâ ối tơhrâ xúa kháng sinh tiô tơdroăng pơkâ pái tro. Mê cho, tro túa, tro ki têi dêi trếo [ă tro hâi khế: Sap ing rơpo\ng á po kơdroăng păn mơnăn troh nôkố, hmếu pơ pro tiô tơdroăng pơkâ ‘na păn mơnăn, ôh tá xúa mâu trếo ki tro mơdât, bú xúa mâu pơkeăng [ă tâk a ko\ng ti pơtroh ăm vâ păn tê ôh tá xúa trếo ki ôh ti ăm phêp.

           Pôa Trần Ngọc Sơn, kăn ngăn ‘na păn mơnăn [ă ngăn ‘na pơlât mơnăn pơlê kong kơdrâm {uôn Ma Thuột, kong pơlê Daklak ăm ‘nâi, nôkố tíu kố dế pơtối hnê mơhnhôk tâi tâng rơpo\ng păn mơnăn k^ tơhrâ ôh tá xúa trếo ki mơdât tung che\m mơnăn. Pak^ng mê thăm séa ngăn, thăm hnê tối troh a mâu tíu ki păn kân hên, rơpo\ng hngêi, pơxâu phâk kơtăng mâu ki pro xôi:  Thăm hnê tối ‘na ki ‘ló dêi tơdroăng ôh tá xúa trếo ki tro mơdât tung rơvât mơdrăn, hná vâ che\m, păn mơnăn. Má péa nếo, thế séa ngăn, k^ tơhrâ [ă tơrêm rơpo\ng hngêi, tơrêm kăn pơkuâ tíu păn mơnăn ki hên tung pơlê kong kơdrâm. Troh nôkố, tâi tâng mâu hlá mơ-éa k^ tơhrâ ai 400 rơpo\ng [ă mâu tíu păn mơnăn.

          Tiô kơxo# ki riân ngăn dêi Khu ngăn ‘na păn mơnăn [ă ngăn ‘na pơlât mơnăn dêi kong pơlê Daklak troh nôkố hiăng ai lối 2 rơpâu tíu pêi pro tơhrâ ôh tá xúa trếo ki mơdât tung păn mơnăn. Tơdroăng hnê tối k^ tơhrâ pêi pro tiô 4 khu ngế cho mâu ko\ng ti [ă kơ koan pêi cheăng tung tơdroăng păn mơnăn, mâu ko\ng ti păn mơnăn ki ai kơdroăng păn kân hên, păn sap ing 100 troh 1 rơpâu to chu [ă khu păn chu tiô kơ tơrêm rơpo\ng. Pôa Huỳnh Thanh Tuấn, Kăn pơkuâ ko\ng ti veăng tơlo liăn păn mơnăn CP Việt Nam, a kong pơlê Daklak, môi tung mâu tíu pêi cheăng k^ tơhrâ ăm ‘nâi: Ko\ng ti hiăng k^ tơhrâ ôh tá xúa mâu trếo ki oh tá ăm phêp, xúa vâ rơvât mơdrăn tung păn che\m mơnăn. Tung pơla păn ko\ng ti xuân ai séa ngăn hdrối vâ tê [ă tung pơla păn xuân séa ngăn i nhên vâ ‘nâi mâu kế tơmeăm ki tơnêi têa pơkâ ôh tá chiâng xúa.

           Tơdroăng k^ tơhrâ păn mơnăn krúa kô kum khu râ pơkuâ cheăng kô châ ‘nâi xiâm ing lâi drêng châ hlo mâu mơnăn, hơ’nêh mơnăn tro trếo ki mơdât. Mơngế ki păn kô ai hnoăng cheăng tung tơdroăng pêi pro tiô pơkâ ‘na păn mơnăn krúa, chiâng tíu ki hmiân tuăn dêi mơngế ki rôe xúa. Maluâ tiah mê, pơla tơdroăng k^ tơhrâ [ă tơdroăng rak ngăn ai pơxúa dêi mâu kơ koan khu râ pơkuâ cheăng vâ pêi pro tiô tơdroăng tơhrâ ôh tá xúa trếo ki mơdât tung păn mơnăn [ă tơdroăng ki ối xơpá. Pôa Thủy Lệ Vũ, Kăn pho\ pơkuâ ngăn păn mơnăn [ă pơlât mơnăn kong pơlê Daklak, ăm ‘nâi: Ki xơpá má môi cho tơdroăng riân ngăn klêi kơ’nâi tơhrâ, ‘na mơngế ki păn, kơxo# liăn pêi pro tơdroăng kố ối kal hên. Má péa, túa ki mơjiâng drêng k^ tơhrâ bú ai mơngế păn mơnăn [ă kong pơlê oh tá ai kơ koan séa ngăn a rêm râ mê cho môi tơdroăng ki pá puih tung rak ngăn, séa ngăn [ă pơxâu phâk xo ah hmôi. Má péa, tơdroăng k^ tơhrâ nếo châ pêi pro a mơngế ki păn mơnăn, hâi ai tíu kơdê, chêh, siê hơ’nêh mơnăn, mâu kơchô, siêu th^ ki mơdró mâu kế kâ ki pro ing mơnăn păn. Mơ’nui, tơdroăng k^ tơhrâ dêi mơngế păn phá xêh, cho mâu mơnăn ki ê môi tiah kơpôu, ro, pu pái, mâu í pêap ki hâi k^ tơhrâ, mê cho mâu tơdroăng ki pá ki ngin dế trâm [ă kal thế tăng troăng hơlâ tah lôi.

          Vâ thăm pro ai pơxúa tung séa ngăn xúa mâu trếo ki oh tá ăm xúa tung păn mơnăn, pôa Thuỷ Lệ Vũ ăm ‘nâi, mâu troăng hơlâ pêi pro dêi kơvâ cheăng păn mơnăn [ă pơlât mơnăn dêi kong pơlê Daklak ai tối: ‘Na tơdroăng cheăng, ngin pơtối pro khât tung hnê tối ăm kuăn pơlê ‘nâi hlê ki rơ-iô dêi trếo ki tro mơdât oh tá ăm xúa. Má péa, ngin đi đo ai hnoăng cheăng séa ngăn, vâ châ ‘nâi [ă pơxâu phâk. Má pái, cho pơtối k^ tơhrâ [ă mơngế ki păn mơnăn, mâu kăn pơkuâ tíu kơdê, chêh, siê hơ’nêh, mâu kơchô, mâu siêu th^ ki tê mơdró hơ’nêh kơpôu ro chu í pêap ôh tá chiâng xúa trếo ki tro mơdât vâ ai mâu hơ’nêh mâm ki krúa, tơniăn le\m ăm ivá dêi mơngế ki rôe kâ.

Gương tơplôu [ă tơbleăng