VOV4.Sêdang - Drêng mot apoăng hơnăm nếo, kong pơlê Daknông hiăng tối tơbleăng tơdroăng tâi tâng kuăn pơlê mơjiâng thôn pơlê nếo a tơring Dak Rlâp. Mê Dak Rlâp cho tơring ki xiâm pêi pro tơdroăng mơjiâng thôn pơlê nếo dêi kong pơlê Daknông, [ă ki xiâm troh hơnăm 2020, tâi tâng mâu cheăm dêi tơring kô pêi tro mâu tơdroăng pơkâ ‘na mơjiâng thôn pơlê nếo.

Kuăn pơlê cheăm Dak Wer, tơring Dak Rlấp lo lăm pro troăng thôn pơlê

Tiah mê, tơring Dak Rlâp pơtối mơhnhôk tơlo liăn, mơdêk hnoăng cheăng dêi mâu kuăn pơlê vâ mơnhông mơdêk cheăng kâ rêh ối, tung mê, ki kal má môi cho thăm mơdêk kơxo# liăn pêi lo, hơ’lêh tơdroăng rêh ối, mơnhông ki hloh klê tuăn hiâm dêi kuăn pơlê. Hơnăm hiăng hluâ, tơring hiăng ai 2 to cheăm pêi klêi tơdroăng pơkâ kố. Hơnăm kố, tơring Dak Rlâp mơ-eăm kô ai tơ’nôm 2 to cheăm nếo pêi klêi tơdroăng mơjiâng thôn pơlê nếo.

          Katarina Nga tơplôu [ă tơbleăng