VOV4.Sêdang - Kô ai troăng hơlâ tŏng kum hnê mơjiâng, hnê tơ’nôm, mơdêk ki rơkê pêi cheăng vâ pơtối rak tơdroăng pêi cheăng ăm mơngế pêi cheăng trâm pá puât xua tơdjâk dêi pơreăng kân Covid 19. Kố cho pơkâ dêi Khu xiâm pơkuâ cheăng pêi – Mô đô̆i rong râ ƀă rêh ối pơlê pơla dế tơbleăng Chin phuh séa ngăn.

Pơtối mê, tâi tâng mâu ngế pêi cheăng châ tối hdrối tŏng kum dâng 1 rơtuh ngế. Kơlo pơkâ tŏng kum hriâm cheăng pêi cho 1 rơtuh liăn/môi ngế tung pơla 6 khế. Tâi tâng kơxô̆ liăn kô dâng 6 rơpâu rơtal liăn ing kơxô̆ liăn ƀaoh hiêm ôh tá ai cheăng pêi. ‘Na tởdoăng pêi pro tŏng kum hnê mơjiâng, tơdroăng tơkêa bro ối tơbleăng mơngế xúa mơngế pêi cheăng trâm pá xua Covid 19. Tiô tối hdrối, tâng châ tơbleăng ăm pêi pro, troăng hơlâ tŏng kum kô châ pêi pro tung khế 3 hơnăm 2021 lơ khế 4,5,6 hơnăm kố.

A Sa Ly tơplôu ƀă tơbleăng