VOV4.Sêdang - Pôa Nguyễn Kim Sơn, Ngế xiâm ngăn hnê hriâm ƀă hnê mơjiâng tuăn ngoâ rơkê prếi pôa Hầu A Lềnh, ngế xiâm, kăn hnê ngăn Vi ƀan hdroâng kuăn ngo nếo troh pôu ƀă pêi cheăng a Hngêi trung Dự bị Đăi hok Dân tộc Trung ương, Hngêi trung râ má pái Chuyên Hùng Vương, kong pơlê Phú Thọ ƀă hngêi trung kơpong hdroâng kuăn ngo Việt Bắc, kong pơlê Thái Nguyên.

A rôh pêi cheăng, 2 ngế kăn xiâm tối nhên troăng hơlâ dêi Đảng ƀă dêi Tơnêi têa ‘na hnoăng cheăng tơdâng tơ’mô tung tơdroăng ki châ hriâm cho kal khât ƀă tâi tâng. Túa pơkâ mâu hngêi trung hdroâng kuăn ngo ki ai tíu kâ koi ối pơtê, hngêi trung ki hbrâ ăm hdroâng kuăn ngo ai mâ xuân cho vâ pêi pro ƀă mơdêk tơƀrê mâu troăng hơlâ tŏng kum.

Tơmâng xo mâu ivá veăng kum dêi mâu hngêi trung hdroâng kuăn ngo ai tíu kâ koi ối pơtê, hngêi trung ki hbrâ đăi hok hdroâng kuăn ngo ƀă kơvâ hnê hriâm tối krê ƀă veăng kum ăm tơdroăng ki mơnhông mơdêk mâu ngế cheăng, cheăng kâ pơlê pơla dêi hdroâng kuăn ngo tối tơdjuôm, prế kăn xiâm hnê ngăn tối tiah kố, tơdroăng ki po rơdâ túa pơkâ, mơdêk hnoăng cheăng dêi mâu hngêi trung kal ai tơdroăng ki hriăn ngăn, tơmiât nhên.

            Katarina Nga tơplôu ƀă tơdroăng