VOV4.Sêdang - Hâi lơ 25/4, Hneăng hôp lâp plâi tơnêi mâu đảng xiâm châu Á (ICAPP) hiăng tơkŭm po hneăng Hôp mơ’no tơdrêng malối roh má 2 ‘na pơreăng COVID-19 veăng hôp ai mâu kăn dêi 24 đảng xiâm dêi 18 to kong têa châu Á, teăng mâ dêi hneăng Hôp tiah hmâ dêi chính đảng châu Mih-Latinh ƀă Caribean ƀă mâu khu tơrŭm  lâp plâi tơnêi.

Mâu kăn veăng Hôp mê môi tuăn tiah kố tâi tâng rêm ngế kuăn pơlê a tâi tâng mâu kong têa ôh tá pơrah kong têa kro lơ kơ tiê thế châ mơnhên tơdâng tơ’mô ƀă mâu tơmeăm xua hbrâ mơdât COVID-19  môi tiah vaccine tơdrêng ƀă mâu troăng hơlâ ‘nâi hdrối ƀă pơlât. Pôa Nguyễn Mạnh Cường, ngế cheăng tung tíu xiâm Đảng, Kăn xiâm phŏ tơpui kâ xiâm tơnêi têa, Ngế cheăng tung khu ICAPP,  pro Ngế xiâm pơkuâ khu kăn Việt Nam, hiăng veăng tơlo  a hneăng Hôp kân.

Pôa Nguyễn Mạnh Cường hiăng tối tơdroăng pêi pro hbrâ mơdât COVID-19 dêi Việt Nam tung hdrối kố nah, hlối ai tơhrâ dêi Đảng  Kŏng sản Việt Nam tung tơrŭm cheăng lâp plâi tơnêi tung hbrâ mơdât pơreăng kân COVID-19.

Gương tơplôu ƀă tơbleăng