Péa măng t^ng hdrối, nâ Nguyễn Thị Linh, ối a bêng Tân An, pơlê kong kơdrâm Buôn Ma Thuột, kong pơlê Dak Lak tro tơngê hmân [ă hlối kơ-o. Tơmiât bú tro tơngê ki hmâ tê, mê nâ Linh hiăng lăm a tíu tê pơkeăng pu\m ki achê hngêi vâ rôe pơkeăng. Klêi tối xiâm tơdroăng ki tamo, Thái pơkeăng ‘’tiê ngăn kơtêi‘’ [ă tê ăm nâ môi kơxu pơkeăng hlối pơchân klâ ôu tung pơla 3 hâi, rêm hâi ôu 2 hdroh. La klêi nâ ôu tâi 3 hâi pơkeăng, tá hlo kâi prêi tơngê, thăm rế tơngê rế ó tâ nếo. Tô tuăn ó xua hlo ivá tơná tá mo ôh tá kâi prêi, nâ Linh lăm troh a pơlê kong kân Hồ Chí Minh khăm a [ok thái pơkeăng tối tơdroăng châi pro chiâng kơdrâ tâ rế ó khât:

‘’Hdrối kố nah á tâ tung châ tơngê hlối kơ-o hên, tơdroăng châi mê a tơmiât bú rôe pơkeăng ôu tê ah kô prêi. Klêi mê á xuân lăm rôe pơkeăng, xuân tối tơdroăng ki tơná châi, [ă troh a ngế ki tê pơkeăng. Ngế ki tê pơkeăng klêi tâng tối mê gá hiăng xo pơkeăng tê ăm á, la kơ’nâi to lâi hâi ôu tá kâi hlo prêi. Klêi mê, á lăm a Sài Gòn khăm [ok thái pơkeăng tối á tơngê kơ-o hngiú ki pro râ. Klêi kơ’nâi ôu pơkeăng [ok thái pơkeăng chêh inâi pơkeăng a hlá mơ-éa gá rôe ôu, ing mê, tơdroăng châi kô kơdroh hlối [ă troh nôkố a hiăng mo le\m’’.

Tung péa pái ngế ki lăm rôe pơkeăng, á tăng hlo môi to tíu tê pơkeăng a troăng Y Moan, pơlê kong kơdrâm {uôn Ma Thuột vâ êng rôe pơkeăng ôu pơlât kơ-o. Akố ngế tê pơkeăng bú kơ-êng ‘na xiâm tơdroăng ki á tâ châi tung châ ‘’Kơ-o hôm hên há? Kơ-o hôm lo têa kơhêa há?‘’. La ôh tá tâng kơ-êng hâi lăm khăm, hôm ai hlá mơ-éa ki [ok thái pơkeăng chêh inâi pơkeăng ôu pơlât há lơ ôh. Tí tăng ‘nâi tơ’nôm, mâu ngế ki troh lăm rôe pơkeăng a hngêi pơkeăng kố, tâi tâng mâu ki châi tamo troh akố xuân tối ‘na ki xiâm dêi tơdroăng châi vâ [ok thái pơkeăng ‘nâi tơdroăng châi, vâ tê pơkeăng. Thăm nếo tá mâu tơdroăng châi môi tiah nu\m nheăn, châi pơtok nong xuân châ tê pơkeăng [ă ôh tá kal ai hlá mơ-éa chêh inâi pơkeăng.

Tiô mâu ki rơkê ‘na pơkeăng tối, tơdroăng tê pơkeăng ôh tá tê tiô hlá mơ-éa chêh inâi pơkeăng pơlât dêi [ok thái pơkeăng xuân môi tiah xúa ôu pơkeăng, malối pơkeăng khăng sinh cho môi tung mâu tơdroăng ki xiâm pro chiâng ai tơdroăng pơreăng ôh tá xâu kơ pơkeăng a Việt Nam dế a kơlo ki rơ-iô [ă châ Khu ngăn pơkeăng lâp plâi tơnêi chêh ‘mot tung inâi mâu kong têa ki ai hên ngế ôu pơkeăng pơlât pơreăng oh tá tro, hlâ hên má môi tung lâp plâi tơnêi. Xua hmôu pơ rôe ôu xêh pơkeăng hmâng to lo vâ, ôh tá tro tơdroăng ki châi kô pro pá ăm tơdroăng pơlât. Tâng tro mâu tơdroăng châi ki rơ-iô, tơdroăng ôu pơkeăng kháng sinh ôh tá xê to ôh tá kum pro ăm prêi le\m mê thăm pro ăm rế châi ó tâ nếo, thăm nếo ối pro tung châ chiâng ai mâu vi khuân ki ôh tá xâu kơ pơkeăng (vâi hmâ tối cho pơkeăng oh tá xêt xếo). Rôh kơ’nâi drêng ôu pơkeăng khăng sinh vâ kơdê pơreăng ki pro chiâng châi kô ôh tá xêt xếo, ngế ki châi kô tơ’lêi chiâng thăm rế châi ó tâ nếo.

Ngế hriăn mơjiâng pơkeăng Lê Bá Nguyên, Kăn [ơrô ngăn ‘na mâu tơdroăng Pơkeăng, Khu ngăn pơkeăng pơlât kong pơlê Dak Lak ăm ‘nâi, pơreăng ôh tá xâu pơkeăng cho mâu vi khuân ki chiâng xêh xua ing xiâm virus mâu kuăn kiâ, ai trếo ki kâi vâ mơdât xông rơdêi dế mâu kuăn kiâ ki ê. Vâ tơniăn drêng xúa ôu pơkeăng ăm tơtro, thế ‘nâi nhên mâu tơdroăng ki tơdjâk troh ‘na khăng sinh, vi khuân ki pro chiâng châi tamo a mơngế ki châi tamo. Tơdroăng ôu pơkeăng kô pro pơxi tâi ki xiâm dêi tơdroăng châi, pro pá ‘na tơdroăng vâ ‘nâi xiâm tơdroăng châi, ‘na xiâm vâ ăm pơkeăng ôu pơlât [ă vâ séa ngăn tro tiô kơ mơngế ki châi tamo. Xua mê, vâ pôi tá trâm tơdroăng xía vâ tung tơdroăng ki hmôu  pơ rôe ôu xêh pơkeăng, kuăn pơlê ki ai tơdroăng châi, drêng tâ châi tung châ, thế lăm khăm [ă ôu pơkeăng pơlât tro tiô [ok thái pơkeăng chêh ăm:

‘’Tơdroăng ki kuăn pơlê hmôu pơ rôe ôu xêh pơkeăng lơ lăm rôe a mâu tíu hmâ tê pơkeăng ‘ngré ôh tá ai hlá mơ-éa chêh inâi pơkeăng dêi [ok thái pơkeăng, mê cho môi tơdroăng ki hlo hên tung lâp tơnêi têa. Pin xuân ‘nâi pơkeăng gá ai ki xêt phá há [ă mâu tơdroăng châi ki lâi ‘lo,  hdrối kơ pin vâ rôe pơkeăng thế lăm khăm a [ok thái pơkeăng ‘nôi, [ok thái pơkeăng kô chêh a hlá mơ-éa pin thế ôu pơkeăng ki lâi ăm tro [ă tơdroăng châi. Pin ngăn a tơdroăng ki xiâm pro châi ki môi tiah rôh hdrối nah ki pin hiăng ôu pơkeăng vâ rôe pơkeăng pơlât mê ‘nâ hía ôh tá tro pơkeăng, ôh tá tro tiô tơdroăng hnê tối thế ôu pơkeăng pơlât. Ôu pơkeăng ôh tá tro tiô kơ tơdroăng châi, hmôu vâ ôu kô ôh tá prêi, ‘nâ hía kô pro chiâng ai tơdroăng châi ki ê nếo xua ing pơkeăng pro’’./.

Nam Trang chêh

Gương tơplôu [ă tơbleăng