VOV4.Sêdang - Khu hnê mơhno hbrâ mơdât pơreăng COVID-19 Gia Lai tối tung kơmăng  lơ 4/8, pơtối ai 25 ngế nếo tâ COVID-19. Tung tâi tâng kơxô̆ mơngế tâ tú ai 38 ngế. Kố cho kơxô̆ mơngế tâ tú hên má môi riân sap hdrối nah troh nôkố. Mê tung 38 ngế tâ COVID-19, ki hên to mâu ngế ki lo ing kơpong tâ pơreăng, châ khăm ngăn tơdrêng vâi vâ mot tung kong pơlê. 3 ngế F1 dêi ngế ki tâ tú xô̆ 36712; 1 ngế , cho ngế kum ngế vế rơxế kân, chơ tơmeăm ing pơlê kong kân Hồ Chí Minh prôk troh a Đồng Nai troh Kon Tum, klêi mê, mot  ối pơtân a pơlê kong kơdrâm Plei Ku  sap ing lơ 30/7 troh nôkố.

Ngế ki mê châ ‘nâi tâ COVID-19 drêng khăm ngăn rĕng. Kong pơlê hiăng tí tăng mâu ngế achê gá  ƀă hlối khăm tơdrêng 10 ngế F1. Tâi tâng ăm hlo âm tính ƀă SARS-CoV-2. Tiah mê, sap lơ 26/4 troh kơxo lơ 5/8/2021, kong pơlê Gia Lai tối ai 159 ngế yương tĭnh ƀă SARS-CoV-2, tung mê ai 7 ngế hiăng lo pơlât ing hngêi pơkeăng.