VOV4.Sêdang - Vâ hbrâ troh rôh tơ’noăng râ má pái phôh thong tơnêi têa, Khu ngăn hnê hriâm ƀă hnê mơjiâng tuăn ngôa rơkê kong pơlê Gia Lai hiăng mơjiâng troăng hơlâ 4 râ vâ hbrâ ví ƀă pơreăng COVID-19 . Tiô Khu ngăn hnê hriâm ƀă hnê mơjiâng tuăn ngôa rơkê  kong pơlê Gia Lai, hneăng tơ’noăng  mơgêi râ má pái phôh thong tơnêi têa hơnăm kố, kong pơlê ai lối 14 rơpâu ngế chêh inâi tơ’noăng  châ tơkŭm po a 39 tíu tơ’noăng.

Nôkố tơdrêng ƀă tơdroăng tơkŭm po rơbot ƀai ăm hok tro, Gia Lai mơdêk hnoăng cheăng hnê tối, teăm ăm ‘nâi mâu tơdroăng ăm mâu kăn ƀô̆, mâu ngế cheăng ƀă mâu hok tro, nôu pâ ‘na pơreăng tơdrêng ƀă tơdroăng hnê tối dêi mâu kơ koan khu râ pơkuâ cheăng hbrâ mơdât pơreăng. Tơkŭm  pêi pro tro tơdroăng 5k hdrối, tung ƀă klêi kơ’nâi tơ’noăng.... Vâ po tơniăn, kơtăng, tro tiô  pơkâ khế 7 la ngiâ. Khu ngăn hnê hriâm ƀă hnê mơjiâng tuăn ngôa rơkê kong pơlê Gia Lai thế mâu hok tro veăng tơ’noăng, kăn ƀô̆ ngăn tơ’noăng ƀă mâu ngế ki pêi cheăng tung rôh tơ’noăng tơbleăng inâi hdrối 7 hâi drêng troh hâi tơ’noăng.

Gương tơplôu ƀă tơbleăng