VOV4.Sêdang - Kơtăn kố châ lối 5 khế, pơlê Bông Hiot, cheăm Hải Yang, tơring Đăk Đoa hiăng ai mơngế tâ tú pơreăng êi rơtốu krôk [ă hiăng chiâng pơreăng ki tâ hên a kong pơlê Gia Lai, hiăng ai 20 ngế ki tâ, pro kuăn pơlê chiâng tô tuăn, préa pro\ng. Maluâ ti mê, bu pơla lối 6 khế, kơnôm pơkâ pêi pro mâu tơdroăng cheăng ki krâu khât, thâ re\ng, khu kăn pơkuâ [ă kơvâ ngăn ‘na pơkeăng hiăng kâi châ mơdât pơreăng, ai lối 1 rơpâu 500 ngế kuăn pơlê akố châ pâk pơkeăng vaccine êi rơtốu krôk. La tơdroăng ki hơ’leh hên akố, a pơlê Bông Hiot, cheăm Hải Yang xua ing tơná kuăn pơlê ki hbrâ rơnáu dêi xêh, tah lôi mâu khôi túa ki ôh pá tro veăng ‘no ivá vâ tơplâ mơdât pơreăng.

Kuăn kơnốu hdrối nah tro êi rơtốu krôk tung rôh tâ pơreăng kơtăn kố tơdế hơnăm, nôkố hiăng prêi le\m, kơdrâi ngoh Thưh, kuăn ngo Bơhnéa (ối a pơlê Bông Hiot, cheăm Hải Yang, tơring Đăk Đoa) hâk phiu ro [ă hlê nhên tơdroăng ki kal dêi tơdroăng hbrâ mơdât pơreăng tâ tú. Ngoh Thưh ăm ‘nâi, nôkố, rêm hâi rơpo\ng ngoh xuân mơdoh chôu vâ xut dêi hngêi, xut dêi hngêi pơchên hmê kâ, hleăng mo\ng [ă kơ-[o\ng, trâ văng nhâ êa rơtôh, tung kơdrum rơtâ tá hngêi ăm phuâng le\m.

Ôh ta xê to ti mê, ngoh Thưh ối đi đo tối pơchân dêi kơdrâi [ă kuăn ‘ne\ng tơná thế truâ kên pâng môh drêng lo pa gong; troh a hngêi thế xếo ko\ng [ă kơ-[o\ng. Ngoh Thưh ăm ‘nâi:

‘’Drêng mê, ngế ki lâi xuân tô tuăn. Xuân kơnôm mâu kăn kong pơlê tơmâng khăm, pơlât, ăm pơkeăng tu\m, hlối pâk’’.

Nôkố, mơhé pơreăng hiăng kâi mơdât, la pơlê xuân ối rak vế khu ki lăm hnê tối hbrâ mơdât pơreăng

Tơdrêng [ă rơpo\ng hngêi ngoh Thưh, nôkố, tâi tâng vâ chê 300 rơpo\ng kuăn pơlê tung pơlê Bông Hiot xuân hiăng ai hmâ [ă tơdroăng ki nếo. Hên ngế drêng châ kơ-êng xuân tối: ‘’Klêi kơ’nâi ai tâ tú pơreăng êi rơtốu krôk, kuăn pơlê lo pá gong, prôk drô troăng xuân truâ kên pâng môh, prôk iâ mơngế’’.

‘’Drêng ai pơreăng râ tú, hnê tối ti lâi kuăn pơlê xuân hmâng. Klêi mê ngin lăm pâk pơkeăng vaccine, ăm pơkeăng, tâi tâng kuăn pơlê lăm xo’’.

Tung rôh tâ tú pơreăng êi rơtốu krôk khế 7/2020, klêi 13 hâi tơbleăng tơdrêng hên troăng hơlâ pêi pro môi tiah mơjiâng tíu gak ngăn, hdró kơpong tâ pơreăng, xôh pơkeăng kơdê pơreăng, pơlât hbrâ mơdât pơreăng [ă pâk pơkeăng vaccine ăm tâi tâng lối 1.500 pơ’leăng mâ mơngế, kơvâ ngăn pơkeăng tơring Đăk Đoa hiăng kâi mơdât pơreăng êi rơtốu krôk a pơlê Bông Hiot, cheăm Hải Yang.

Mơhé ti mê, pơlê xuân pơtối mơjiâng khu hbrâ mơdât pơreăng tung kuăn pơlê, rêm măng t^ng tơbleăng tung loa hnê kuăn pơlê. Pôa Nguyễn Văn Thắng, Kăn pho\ hnê ngăn Vi [an cheăm Hải Yang, tơring Đăk Đoa ăm ‘nâi, tơdrêng [ă tơdroăng hơ’leh nếo tung tơdroăng rêh ối, nôkố kuăn pơlê a pơlê Bông Hiot xuân hiăng tah lôi túa tơlá ki ôh pá tro ton nah ki lơ pro tơ’lêi tâ tú pơreăng:

‘’Tơdroăng mơdâm kiâ hdrối kố ton 2-3 hâi, klêi mê kuăn pơlê tơku\m krâm mơngế vâ veăng ngăn hơlêm tơdroăng ki khéa [ă rơpo\ng hngêi; tông djâ poăng troh a ilâng kiâ klêi mê krôu kơhôi. La nôkố kuăn pơlê mơdâm krôu kơhôi a hngêi, tung pơla 24 chôu tê klêi mê hiăng djâ lăm ‘mé, ối ‘nân ngăn xuân kơtăn hơngế dêi rơpó. ‘Na tơdroăng ôu pơko\ng xuân tơku\m po 1 hâi tê, xuân pro môi tiah mâu Xuăn há’’.

Mâu tơdroăng ki hơ’leh dêi kuăn pơlê mơngế Bơhnéa a tíu ai pơreăng êi rơtốu krôk tâ tú a pơlê Bông Hiot, cheăm Hải Yang, tơring Đăk Đoa, kong pơlê Gia Lai hiăng ăm hlo, tơdroăng hbrâ mơdât pơreăng akố hiăng pêi pro tro [ă dế pêi tơ-[rê.

Nguyễn Thảo chêh

Gương tơplôu [ă tơbleăng