VOV4.Sêdang - Koh tơdah hơnăm nếo 2020, poa Nay Phun, krâ pơlê Hlâm, pơlê kân Đăk Đoa, kong pơlê Gia Lai hiăng châ 65 hơnăm, [ă hiăng châ 35 hơnăm cheăng Đảng. Pôa sôk ro: pơlê tơná dế hơ’leh re\ng, 260 rơpo\ng tung pơlê Hlâm nôkố bu ối 15 rơpo\ng kơtiê. Nôkố vâi krâ nho\ng o dế pơtối tơ’noăng pêi cheăng, mơjiâng pơlê, cheăm rế hía rế kro mơdro\ng.

‘’Sap ing hâi Tơnêi têa ‘no liăn mơjiâng pro hngêi trăng, troăng klông, pro tơ’lêi hlâu ăm vâi krâ nho\ng o mung liăn pêi cheăng kâ mê ai mâu rơpo\ng cheăng kâ hiăng tơniăn. Malối cho tơdroăng 134 ‘no liăn cheăng mơjiâng pro hngêi ối ăm mâu rơpo\ng kơtiê; tơdroăng 168 kum ăm hdrê ro [ă troh nôkố ro hiăng ai kuăn hên. Vâi krâ nho\ng o hâk ro khât, mơnê Đảng, Tơnêi têa hên. Rêm rôh hôp kuăn pơlê, ngin mơhnhôk vâi krâ nho\ng o kơdo mơ-eăm pêi cheăng kâ, tơru\m môi hiâm mơno, pêi pro tro troăng hơlâ pơkâ thế dêi Đảng, luât dêi Tơnêi têa; ôh tá tí tăng hmâng loi khu ‘mêi pơlông djâ, môi tiah Tin Lành Đêga, cho ôh tá tro. Ing mê, vâi krâ nho\ng o tung pơlê ‘nâi, loi tơngah kơ Đảng, Tơnêi têa, loi tơngah a kăn [o#, mơ-eăm pêi cheăng kâ, rế hía rế mơnhông tơtêk, tơdroăng rêh ối rế hía rế tơniăn’’.

Gương tơplôu [ă tơbleăng