VOV4.Sedang -  Vi ƀan hnê ngăn kong pơlê Gia Lai nếo pơkâ kĭ tơdroăng Tơkêa bro pơtối rak vế ƀă mơdêk pêt loăng pro pơkeăng tung kong pơlê troh hơnăm 2025, troăng hơlâ pêi pro troh hơnăm 2030. Ing mê, troh hơnăm 2025, lâp tung kong pơlê kô ai 10 rơpâu ha loăng pơkeăng; hơnăm 2023 pêt 20 rơpâu ha (tung mê ai 11 rơpâu 300 ha pêt pá xôp kong, 8 rơpâu 700 ha pêt a tơnêi pêi chiâk.

Mâu loăng pơkeăng châ rah xo, mê cho: mật nhân, hà thủ ô, rĭng rí prâp, đẳng sâm, đương quy, ba kích, đinh lăng, klô̆ng trĭng, plăng, kía... Loăng pơkeăng châ mơdêk pêt a mâu tíu ki ai tơnêi hơpok vâ ƀă hdrê loăng ki mê môi tiah a: Kƀang, Đăk Đoa, ‘Mang Yang, An Khê, Čŭ Sê, Čŭ Pưh, Čŭư Prông, Ia Pa. Tâi tâng kơxô̆ liăn kal vâ dâng 5.200  rơtal liăn. Tung mê, kơxô̆ liăn hngêi rak liăn tơnêi têa dâng 477 rơtal liăn ƀă kơxô̆ liăn pá kong hngêi rak liăn ai 4.723 rơtal liăn.

Gương tơplôu ƀă tơbleăng