VOV4.Sedang -  Hngêi pơkeăng tơring Čư Sê, kong pơlê Gia Lai hiăng pêi pro tơdroăng klâ krê 3 ngế ki dế F1 tung môi rơpŏng hngêi xua hiăng ai ngế achê ƀă 1 ngế ki dương tính ƀă COVID-19 a Bắc Giang. 3 ngế ki klâ krê rơtế ối a kơxô̆ hngêi 18, tôh kơphô̆ 9, troăng Kăch măng pơlê kân Čư Sê, tơring Čư Sê, kong pơlê Gia Lai hiăng trâm tơpui ƀă ngế hngêi ki ai ngế kŏng nhân pêi cheăng tiô rơnó HOSIDEN Quang Châu, a  Bắc Giang dương tính ƀă SARS CoV-2,  drêng vêh ing Bắc Giang lăm ôu pơkoăng dêi ngế nhŏng o tung rơpŏng hngêi.

Ngế ki dương tính ƀă SARS CoV -2 , tiô khăm ngăn mơheăm a hâi lơ 19/5, klêi vêh ing tơring Čư Sê, 3 ngế vêh ing kơpong tâ pơreăng hiăng lăm tối tơbleăng tơná ƀă truâ kên pâng môh-rơkong a tíu ai krâm mơngế, châ kăn ƀô̆ ngăn pơkeăng hnê pêi pro mâu tơdroăng klâ krê a hngêi. Nôkố mâu ki mê dế ai ivá mo lĕm, oh tá kơ-o, ôh tá tơngê, ôh tâ hâ a rơtá nuih, ôh tá rơlâi rơlo ƀă dế châ séa ngăn ivá.

Gương tơplôu ƀă tơbleăng