VOV4.Sêdang - Cho môi kong pơlê ai vâ chê 50% pơ’leăng mâ mơngế cho vâi krâ, nhŏng o hdroâng kuăn ngo Jarai ƀă Bơhnéa, lối 10 hơnăm hiăng hluâ, kơvâ hnê hriâm ƀă hnê mơjiâng tuăn ngôa rơkê kong pơlê Gia Lai đi đo tơmâng tơdroăng hnê ƀă hriâm nâl Jarai ƀă Bơhnéa tung hngêi trung hriâm ƀă pơkâ xiâm cho mơdêk ki rơkê plĕng ăm kuăn pơlê, kum rak vế ƀă mơnhông mơdêk ki kơnía ‘na nâl tơpui, khôi túa lĕm tro dêi mâu hdroâng kuăn ngo Tây Nguyên.

Sap hơnăm 2010 – 2021, Khu pơkuâ hnê hriâm ƀă Hnê mơjiâng tuăn ngôa rơkê kong pơlê Gia Lai hiăng hnê mơhno tơdroăng hnê nâl hdroâng kuăn ngo tung pơkâ hnê hriâm tơdjuôm dêi mâu râ hriâm. Troh nôkố, mâu hngêi trung pơrá hnê hriâm tro tiô tơdroăng hriâm. Pơtối mê, tơdroăng hnê hriâm nâl hdroâng kuăn ngo châ mâu hngêi trung hnê hriâm tơtro chôu ƀă pêi pro tŭm chôu hnê hriâm tiô pơkâ, xiâm kối hiăng tơxâng tiô tơdroăng kal vâ dêi hok tro xuân môi tiah nôu pâ hok tro tung kong pơlê.

             A sa Ly tơplôu ƀă tơbleăng