VOV4.Sêdang - Kơxo lơ 11/3, pôa Võ Ngọc Thành, Kăn phŏ pơkuâ hnê ngăn cheăng Đảng kong pơlê, Kăn hnê ngăn Vi ƀan kong pơlê Gia Lai veăng leh mơhnhôk “Têt pêt loăng pâ pôa Hồ troh tá ah” hơnăm 2021 xua Kŏng an kong pơlê tơkŭm po. Ƀă tơdroăng mơhnhôk trâu hơngế mâu tơdroăng tơ’noăng, mâu hơnăm hiăng hluâ khu Kŏng an kong pơlê ôh tá xê to kêi đeăng hnoăng cheăng kal kí, rak krá tơniăn tơdroăng kal kí, tơniăn pơlê pơla mê ối kum hên tung tơdroăng tơplâ mơdât, pơxâu phak, mơdât teăm tơdrêng mâu roh tơdroăng ko ‘nhê kong, ing mê, kum rak vế kong prâi loăng pơlái kong kế tung kong pơlê.

A roh mơhnhôk, pôa Võ Ngọc Thành rơtế ƀă mâu kăn ƀô̆, mâu Kŏng an kong pơlê pêt loăng ngiât cho vâ tơbleăng tối “xua kong prâi rế hía rế ngiât lĕm – krúa lĕm”. Tung hơnăm 2021, rêm tíu cheăng ối tung Kŏng an kong pơlê pêt sap ing 2 xiâm loăng tơngi klêng, kơjo pêt loăng kân, ton hơnăm, pêi hên tơdroăng; mâu hơnăm pơtối pơkâ kô pêt loăng pơtăm hơnăm kơ’nâi châ 1,5 xôh tâng pơchông ƀă hơnăm hdrối.

A Sa Ly tơplôu ƀă tơbleăng