VOV4.Sêdang - Hâi lơ 16/3, Vi ƀan Măt trâ̆n Tơnêi têa Việt Nam kong pơlê Gia Lai tơkŭm po hneăng hôp tơkêa rôh má péa vâ tơpui môi tuăn chêh inâi mâu ngế ki vâ tơbriât cheăng tung Kuô̆k hô̆i hneăng má 15, Hô̆i đong hnê ngăn kuăn pơlê rêm râ hơnăm 2021 - 2026. A rôh hôp, Vi ƀan Măt trâ̆n Tơnêi têa Việt Nam kong pơlê Gia Lai hiăng tơbleăng inâi, lĭ lĭch ‘nâng ‘nâi dêi 13 ngế ối tung mâu kơ koan, khu tơrŭm, tíu pêi cheăng dêi kong pơlê Gia Lai vâ to cheăng tung Kuô̆k hô̆i hneăng má 15.

Gia Lai môi tuăn tơbleăng 13 ngế to cheăng tung Kuô̆k hô̆i

Klêi kơ'nâi tơpui 'na tơdroăng pơkâ, kơxô̆ ngế, tâi tâng mâu kăn hiăng môi tuăn chêh inâi 13 ngế tơbleăng vâ mot cheăng tung Kuô̆k hô̆i hneăng má 15. Rôh hôp tơkêa rôh má péa xuân hiăng chêh inâi mâu ngế ki vâ mot cheăng tung Hô̆i đong hnê ngăn kong pơlê Gia Lai hneăng má 12, hneăng hơnăm 2021 - 2026 ai 140 ngế.

Katarina Nga tơplôu ƀă tơbleăng