Maluâ bu xúa 1 pul on ki vâ bâ, 1 to hdro pế hmê [ă 1 kơtuh hngiú ki ku\n, la rêm khế, rơpo\ng ngoh Trần Anh Hoàng, ối a thôn Bình Tân, cheăm Ia Piar, tơring }ư\ Prong athế nâp dêi vâ chê 1 rơtuh liăn on tơhrik. Ki xiâm ga, xua thôn Bình Tân ôh tá ai troăng kơxái on tơhrik. Troăng kơxái on tơhrik dế nôkố cho xua 72 rơpo\ng kuăn pơlê veăng tơlo xêh liăn, hnhâng troăng kơxái on tơhrik troh a tơrêm hngêi vâ xúa rêh kâ ối.

Ngoh Hoaàng tối ăm ‘nâi, troăng kơxái on tơhrik ki kuăn pơlê mơhno\ng toi xêh mê ôh tá bê ivá ki vâ ăm kuăn pơlê tung thôn kố châ xúa. A rêm kơmăng, pul on tung hngêi ngoh Hoàng [ă mâu rơpo\ng a mơ’nui troăng kơxái on bu khế iâ tê, ôh tá bê bâ eăng. Ai on tơhrik la xuân môi tiah ôh tá ai, mâu vâi kuăn ngoh Hoàng athế têk on têa châu vâ hriâm [ai a kơmăng:

‘’2 khế pơla hdrối kố nah á nâp vâ chê 2 rơtuh 200 rơpâu liăn on tơhrik. Tiô chôu on ki krâ ‘măn tung rơpo\ng mê hlo ai 100 kW kô tro hía 33kW. Tâng vâ riân ngăn, ga pro yă on tơhrik chiâng to kơnâ ‘nâng. Hên hdroh ngin hiăng pâ thế khu ngăn ‘na on tơhrik xo liăn tiô ko\ng tơ a mâu rơpo\ng hngêi, la ôh tá ‘nâi troh la lâi vâi nếo vâ môi tuăn ah’’.

Troăng kơxái on xua kuăn pơlê mơhno\ng toi xêh, xâu xía ăm kuăn mơngế [ă mơnăn păn

Pôa Trần Văn Đẩu, kăn thôn Bình Tân, tối ăm ‘nâi, troăng kơxái on tơhrik ki xua kuăn pơlê ki mơhno\ng ‘no dêi liăn toi kố ga ối ai tơdroăng ki ôh tá tơniăn. Ing mê, tơdroăng toi kơxái on ing trăng ki ai ivá têi vêh troh a thôn Bình Tân ai 3 troăng kơxái on. Tâng vâ riân ngăn tâi tâng vâ chê 25 rơpo\ng vâi xúa môi troăng kơxái on tơhrik.

Ing 3 troăng kơxái ki xiâm kố, kơxái on tơhrik châ hnhâng tơpung tơpeâng a mâu trăng ki tâp [ă kơlá, loăng ki pơtân. Hên troăng kơxái ki ‘nâ tit tro a kuâ hngêi, tit drăng plông loăng.

Thăm nếo ai tíu ki ‘nâ kơxái on a’nâi drăng ngiâ mơngế prôk luâ cho xâu xía ó, [ă tơ’lêi ai mâu kơxái ti tit dêi pó, kô tơ’lêi chếo. Pôa Đẩu tối ăm ngin ‘nâi, xua kố cho troăng kơxái on ki xua tơná kuăn pơlê hnhâng xêh, ing tơdroăng ki tơ-[ôe, tơdjêp troh a tơdroăng rơnêu bro, tá troh a tơdroăng ki chêl thiăn xua xía vâ ‘na on tơhrik, kuăn pơlê xuân athế pôu râng dêi xêh:

‘’Hơnăm nah, a rơnó mêi hngê kơxái on tơhrik hmâ tơlo\ng kơtôu ga hrik hlâ 1 to ro. Vâi krâ athế tơlo 7 rơtuh liăn vâ chêl ki vâi. Vâi krâ-nho\ng o athế hbrâ rơnáu drăng mê, ai tơdroăng klâi athế krếo mơngế chu ‘mâi rơnêu on tơhrik. Troăng kơxái on tơhrik tơná athế tâp dêi trăng, ‘no dêi liăn tơná vâ ‘mâi rơnêu, chêl thie#n drêng ai tơdroăng’’.

On tơhrik cho kal vâ xúa ăm tơdroăng rêh ối, pêi cheăng rêm hâi, mâu rơpo\ng tung thôn athế xúa kơmăi ‘no on tơhrik, kơmăi hrik têa [ă têa châu. Kuăn pơlê thôn Bình Tân hiăng hên hdroh bro hlá đơn pâ thế, pơtroh ăm Vi [an hnê ngăn tơring }ư\ Prong [ă Ko\ng ti tơlo liăn cheăng ngăn ‘na on tơhrik Gia Lai pói rơhêng vâ ‘no liăn vâ tâp trăng, hnhâng troăng kơxái on tơhrik rak tơniăn ăm tơdroăng ki kuăn pơlê châ xúa on vâ kum ‘na tơdroăng rêh ối, pêi cheăng kâ rêm hâi.

Pôa Võ Công Hiền, cheăng tung Ko\ng ti tơlo liăn cheăng On tơhrik Gia Lai, ối tung Khu xiâm Ko\ng ti On tơhrik Peăng Tơdế tơnêi têa, tối ăm ‘nâi, kơxo# liăn ki ‘no mơjiâng pro troăng kơxái on tơhrik thôn Bình Tân tiô riân ngăn ai dâng 6 rơtal liăn. Tơdroăng kố hiăng kum chêh tối, chêh pơkâ tiô kơ tơdroăng kum mơjiâng on tơhrik ăm thôn pơlê, kơpong kong ngo [ă chuăn têa kơx^ pơla sap hơnăm 2013-2020 dêi Ngế pro xiâm hnê ngăn Chin phuh. Mauâ ti mê, tơdroăng tơkêa bro pơkâ kố tá hâi teăm ‘nâi la lâi nếo châ pơkâ pêi pro troh a Gia Lai. La tâng vâ ví kơ tơdroăng ki pêi pro ôh tá tro mê, khu kố kô ôh tá ‘no liăn tâp trăng hnhâng troăng kơxái on tơhrik vêh troh a thôn Bình Tân:

‘’Tâng ôh tá ai tơdroăng tơkêa bro mê, kơvâ on tơhrik kô pơkâ pêi pro hlối. Nôkố, tâng on tơhrik ối hnhâng kơxái on troh a pơlê ga kô chiâng 2 péa pái hdroh. Kơvâ on tơhrik pêi cheăng ‘na tơdroăng rơkêa bro, vâi tối tá hâi teăm ai liăn, drêng ai liăn nếo pơkâ pêi pro. Ngin kô tơdah xo tơdroăng tối pơtâng ki nếo ing khu chêh hlá tơbeăng vâ pêi cheăng [ă mâu khu râ, kơvâ cheăng ‘na tơdroăng kố’’.

Thôn Bình Tân, cheăm Ia Piar, tơring }ư\ Prong, kong pơlê Gia Lai bu kơtăn ing troăng kơxái on tơhrik ki ai ivá têi mê ai 700 met, la hiăng vâ chê 10 hơnăm kố, tơdroăng ki ai troăng kơxái on tơhrik pro ti lâi vâ khoh bê ivá on tơhrik kum ăm tơdroăng rêh ối, pêi cheăng kâ dêi kuăn pơlê cho tơdroăng ki ối hơngế ‘nâng. Kuăn pơlê akố kal châ tơdroăng to\ng kum hên tâ nếo ing khu kăn pơkuâ [ă mâu khu ki ngăn ‘na on tơhrik vâ tơdroăng pói vâ dêi kuăn pơlê chiâng ai khât.

Nguyễn Thảo chêh

Nhat Lisa tơplôu [ă tơbleăng