VOV4.Sêdang - Pơla hơnăm 2021- 2025, mâu kong pơlê tung kong pơlê Gia lai hiăng hbrâ mơjiâng kâng pro têa vâ ai têa tôh mâu ƀăng klâng chiâk. To tơring Čư Sê, sap hơnăm 2018 troh nôkố hiăng ‘no vâ chê 10 rơtal liăn vâ ‘mâi rơnêu pro mâu rơchôa ‘noăng kâng têa tâi tâng xŏn lối 18km. Tung tơring ai 46 rơchôa tôh lối 1 rơâu 400 ha báu ƀă 1 rơpâu 900 ha loăng plâi kơchâi reăng. Rơchôa têa mơjiâng pro krá lĕm ai 52,2km hiăng ai têa tôh ƀă po rơdâ tơnêi pêi klâng chiâk vâ mơdêk pê lo kế tơmeăm ăm kuăn pơlê.

Pôa Hồ Phước Thành - Ngế pơkuâ Khu ngăn ‘na tơdroăng pơkâ ƀă ‘no liăn cheăng  dêi kong pơlê Gia Lai ăm ‘nâi : Ing tơdroăng kal vâ ƀă tơdroăng pêi pro dêi mâu tơring, hngêi rak liăn kong pơlê kô kơjo kum rêm hơnăm 100 rơtal liăn ƀă kô xing xoăng pêi kơlo mê vâ mơdêk rĕng tơdroăng pêi pro tơdroăng tơkêa kâng rơchôa, pơla hơnăm 2021-2025 dâng 500 rơtal liăn.

Gương tơplôu tơbleăng